back to top
31.5 C
Tirana
E martë, 25 Qershor, 2024

Ju lutem veproni sa nuk është vonë! – nga Thanas L. Gjika

Gazeta

Thanas L. Gjika
Thanas L. Gjika

Ju lutem veproni sa nuk është vonë!

nga Thanas L. Gjika

 
(Thirrje “Federatës Vatra”,
“Ligës Shqiptaro-Amerikane”,
“Këshillit Shqiptaro-Amerikan” dhe
“Shoqatës së Shkrimtarëve dhe Artistëve të Amerikës”
.
Agron Shehaj
Agron Shehaj
Kohët e fundit në Shqipëri kanë ndodhur ngjarje tronditëse që dëshmojnë se ish-përndjekësit e kohës së diktaturës, kanë kapur pushtetin dhe veprojnë hapur kundër mëkëmbjes së demokracisë. Mirëpo asnjëra nga organizatat atdhetare të diasporës sonë derimw sot nuk ka reaguar zyrtarisht.
1.Si mund të rrihet pa dalë zyrtarisht në mbrojtje kundër kërcënimeve të vijueshme ndaj jetës që iu bënë intelektualit të shquar dhe zyrtarit të lartë z. Agron Tufa, drejtor i “Institutit të Studimit të Krimeve të Komunizmit” dhe familjes së tij! Kërcënime të tilla e detyruan atë të emigrojë në Zvicër e të kërkojë strehim politik.
2.Si mund të rrihet pa u shprehur kundër vendimit të parlamentit shqiptar për aprovimin e “Paketës Anti-shpifje”, e cila, si u përcaktua prej z. Frank G. Shkreli dhe disa organizatave të gazetarëve është një paketë kundër shprehjes së lirë të gazetarëve dhe medias!
3.Si mund të rrihet pa reaguar ndaj zgjedhjes kryetar i SPAK-ut (“Struktura e Posaçme Anti-Korrupsion dhe Krimit të Organizuar”) i prokurorit Arben Kraja, i cili ka punuar hetues i Sigurimit të shtetit diktatorial shqiptar në vitet 1987-1992! Kundër këtij vendimi kanë dalë shumë të përndjekur dhe vetë “Shoqata e të Përndjekurve të Diktaturës Komuniste të Shqipërisë” me kryetar z. Nebil Çika.
Mendoj se organizatat atdhetare të lartpërmendura të komunitetit tonë të reagojnë sa më parë duke iu drejtuar Departamentit të Shtetit të SHBA-ve për t’ia tërhequr vëmendjen ndaj seriozitetit të punës së personave që janë ngarkuar për kryerjen e Reformës në Drejtësi dhe të Vetingut.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.