back to top
27.5 C
Tirana
E enjte, 13 Qershor, 2024

Gremina – poezi nga Lasgush Poradeci

Gazeta

Poeti Lasgush Poradeci
Poeti Lasgush Poradeci

Gremina

poezi nga Lasgush Poradeci

Ti sot as qesh as qan
Rri larg e qetë
Në shpirtin tënd ti mban
Një faj përjetë
 
Një dashuri me gas
Siç fryri era,
E zure shpejt në ças,
E le përhera
 
U ngrove ashtu sa mund
As shumë e as pakë
S’të ndriu përdrejt në fund
E bardha flakë
 
Më ndriu e griu e shkriu
Ah, mua zjarri!
U mvarrësh un’ i ziu
Mi buzë varri!
 
E nuk më dhemb aspak
Një vdekj’e gjallë
Ndaj qava lot me gjak
Si në përrallë;
 .
Revista Shkëndija e Ernest Koliqit - Nr. 1
Revista Shkëndija e Ernest Koliqit – Nr. 1
Ndaj hoqa rëndë ashtu
Gjer në greminë,
Llaftarën që më zu
Për dashurinë;
 
Për dashurinë o Zot
Që shëmb një burrë
Që s’e pat ndjerë dot
Gruaja kurrë;
 
Që lind e ndritur krejt
Bukuriplote!
Me dritën drejtpërdrejt
Nga drita Jote!
 
Që qesh e qan e zjen
E s’jep të qetë
Që e zien e bren e shfren
E s’vdes përjetë.
.
Revista “Shkëndija” korrik 1940, numri i parë!
.
Marrë ngamuri u FB i Agim Morines, 10 shtator 2020
.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.