16.5 C
Tirana
E diel, 3 Mars, 2024

Mbeshtet RadiandRadi

spot_img

Gjosho Vasija, 90 vjetori i gjigandit të parodisë shqiptare – nga Gjergj Jozef Kola

on

|

views

and

comments

Gjosho Vasija (1931 - 2013)
Gjosho Vasija (1931 – 2013)

Gjosho Vasija, 90 vjetori i gjigandit të parodisë shqiptare

nga Gjergj Jozef Kola 

90 vjet ma parë, u lind gjigandi i parodisë shqiptare, shkodrani Gjosho Vasija, i cili me buzëqeshjen e tij mitike, me humorin e tij qytetar, me satirën therse fishtjane, i mbijetoi diktaturës komuniste e pseudodemokracisë shqiptare, që vazhdon me e përndjekë ende sot, me heshtjen e tallavasë dhe korrupsionit institucional që asht sot po aq kriminale sa ç’ishte diktatura….
Në përkujtim të kësj figure, po jap nji episod të dy gjigandve shkodranë në lagjen e famshme G’juhadol, ku u rritën edhe gjenitë e kombit. 
Kjo ngjarje më asht rrëfye në Vjenë, nga bashkshortja e Gjoshos, Berina Kaceli – Vasija në 2019, me rastin e dekorimit të artistit nga Diaspora shqiptare…

Gjosho Vasija 2010
Gjosho Vasija 2010

Jepja Gjoshos Humorin, dhe Prenkës Muzikën!!

N’nji dite të bukur, takohen në Sarreq, te kryqëzimi, Prenk Jakova e Gjosho Vasija.
Prenka i thotë: Ndigjo Gjosho, due me t’kallxue nji histori të bukur fort…
Dhe ja nisë Prenka me kallxue. Mblidhen edhe dy-tre kalimtarë që vijshin prej G’juhadolit e po ndijnë tanë shend. Mbaron historia e Prenkës e kërkush s’po qesh. Qeshi veç Berina Kaceli Vasija, për mirësjellje edhe vetë Prenka. Arsyeja pse qeshi Prenka ishte tjetër.
-Gjosho, – vazhdoi Prenka, – tash po kët histori, na e kallxo ti!
Ah, kjo ishte loja…
Dhe Gjoshja e kap historinë prej fundi e kthen në krye, e hjedh përpjetë e teposhtë, njashtu si t’ishte brum pize… ndërkohë që grumbulli i njerzve ishte ba i madh. Kur mbaroi Gjoshja, shpërtheu nji gaz i madh fort, po jo sa me u tundë katedralja, me hijen e saj madhështore…
.
Marrë nga Muri i Fb i Gjergj Jozef Kolës, me 2 nantor 2021

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.