back to top
26.5 C
Tirana
E martë, 18 Qershor, 2024

Bëhet thirrje për dorëheqjen e Josep Borrell! – nga Frank Shkreli

Gazeta

Frank Shkreli - Ish-Drejtor i VOA-s për Euro-Azinë
Frank Shkreli – Ish-Drejtor i VOA-s për Euro-Azinë

Bëhet thirrje për dorëheqjen e Josep Borrell!

nga Frank Shkreli

Këshilltarja lokale e Bashkimit Evropian, (BE) Kati Schneeberger, e ka kritikuar Përfaqësuesin e Lartë të BE-së për politikë të jashtme, Josep Borrell, për qasjen ndaj Kosovës, njofton Koha.net dhe disa portale të tjera. Sipas këtyre burimeve mediatike, Kati Schneeberger ka akuzuar Josep Borrellin se po përpiqet të sanksionojë një shtet nga i cili janë kidnapuar tre policë nga njësitë policore të Serbisë, ndërsa, këtë të fundit, e përkëdhel derisa kryen krime jashtë territorit të saj.
Zyrtarja e Bashkimit Evropian nga Gjermania, Kati Schneeberger ka bërë kërkesën e fortë që Borrell-i të japë dorëheqjen menjëherë, nga detyra e lartë, si Përfaqsues i Bashkimit Evropian për Punët e Jashtme. Sa për kujtesë dhe informacion për lexuesin, Josep Borrel është një politikan i Spanjës, anëtar i Partisë Socialiste të Punës të atij vendi. Spanja është një ndër vendete e BE-së që nuk e njeh pavarësinë e Kosovës. Edhe Miroslasv Lajçak, Përfaqsuesi i lartë i BE-së për Ballkanin Perëndimor, përfshi të ashtuquajturin “dialog” Beograd-Prishtinë, vjen nga Sllovakia, një vend tjetër i BE-së që nuk njeh pavarësinë e Republikës së Kosovës. Çfarë kredibiliteti kanë këta dy zyrtarë të lartë të BE-së, që vijnë nga dy shtete që nuk njohin, zyrtarisht, si shtet të pavarur, në “dialogun”, midis Serbisë dhe Republikës së Kosovës?

Kryeqendra e Europës - Brukseli
Kryeqendra e Europës – Brukseli

Tre vjetë më parë kisha parshikuar se emërimi i Josep Borrell (Përfaqsues i BE-së për Punët e Jashtme) dhe Miroslav Lajçak (Përfaqsues i BE-s për Ballkanin Perëndimor), përshi, për interesat legjitime të shqiptarëve në përgjithësi, anë e mbanë Ballkanit Perëndimor. Frank Shkreli: Kush është Josep Borrell për shqiptarët? | Gazeta Telegraf
Në këtë ndërkohë, zyrtarja e BE-s Kati Schneeberger i ka bërë thirrje Evropës që të qëndrojë me Kosovën dhe i ka kërkuar Josep Borrell-it që të jap dorëheqjen: “Dorëhiqu para se të bësh më shumë dëme. Ti je një rrezik për demokracinë dhe paqen në Evropë. Na duhen njerëz që e mbrojnë demokracinë tonë, jo që forcojnë autokratët”, citohet të ketë shkruar ajo në rrjetët sociale.
Sa për informacion për lexuesit, Këshilltarja vendore e BE-së, Kati Schneeberger ishte e para që ndërmori përsipër – Majin e vitit 2022 – organizimin e peticionit për liberalizimin e vizave për qytetarët e Kosovës, e mbështetur në atë kohë edhe nga Reporterja e Bashkimit Evropian për Kosovën, Ulrike Lunacek. Rezultati përfundimtar është se qytetarët e Republikës së Kosovës do të mund të udhëtojnë pa viza, anë e mbanë zonës Shengen, duke filluar nga 1 Janari i vitit që vjen (2024).
Ëndërra shekullore e shqiptarëve për të zenë karrigën që u përket në radhët e kombeve të Evropës, aty ku e kanë vendin, si njëri prej kombeve më të vjetra të kontinentit Evropian! Një ëndërrë kjo që nuk vdes – deri në realizimin e saj!

Frank Shkreli

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.