12.5 C
Tirana
E enjte, 29 Shkurt, 2024

Mbeshtet RadiandRadi

spot_img

Aster – tregim nga Lili Kristuli

on

|

views

and

comments

Lili Kristuli
Lili Kristuli

Aster

tregim nga Lili Kristuli

Nuk e di ç’të veçantë pati ai mëngjes. Di se u zgjova dhe kuptova që isha një grua pothuajse e lumtur.
Nuk ka asgjë të gabuar apo të pavend në jetën time. Kam të njëjtin bashkëshort, prej vitesh, mendoj se duhemi, kam një punë që më pëlqen.
Megjithatë, atë mëngjes, ishte pikërisht ajo fjalë e padëmshme – pothuajse – që më hapi një humnerë para syve.
Ajo që dukej si një çarje e vogël në strukturën e jetës sime të përditshme, shpejt u zgjerua, u thellua, e vuri në dyshim të gjitha siguritë e mia.
Të njohurit tanë thonë se burri im është një bashkëshort i mrekullueshëm. I vëmendshëm, me vetëbesim, i përgjegjshëm. Plotësisht e vërtetë kjo, e mund të shtoj akoma: psh. se si planifikon çdo gjë me përpikmëri. Vizitat, qokat, orën kur do shkojmë e sa do rrimë, dhuratat, që duhet të jenë proporcionalisht me sebepin. Planifikon fundjavën, pushimet, kur do nisemi, çdo marrim me vete.
I përpiktë. Nuk i lëviz as presja në ato që bën e thotë.
Askujt nuk mund t’i përshtatet vetëm një përkufizim. Kurse për tim shoq kjo është e mundur. Ai është përpikmëria vetë.
Tashmë i di përmendesh çdo fjalë, çdo lëvizje të tij.
Kur kthehet në shtëpi, heq këpucët, çorapet i vendos sipër tyre, të palosura. Vesh pizhamet, pasi i jep një të shtrirrë me dorë mbi shtrat.
Bën zapping me telekomandë në tre kanale, gjithmonë të njëjtët, sheh pesë minuta secilin prej tyre. Gogësit, për të shprehur mosaprovimin për ato që ka dëgjuar e ulet në tavolinë.
Pasi ka ngrënë, më kritikon “me dashamirësi” gjellën që kam përgatitur, më shpjegon se si duhet ta kisha përgatitur. Unë aprovoj. Gjithmonë aprovoj. Kështu ai, i vetëkënaqur shtrihet në divan. Me pizhame.
Kur shoqet e mia më thonë, gjithë nerva, se burrat e tyre shtrihen mbi divan pa u zhveshur, i kam zili.
Unë do ta doja një bashkëshort normalisht të papërsosur. Është e tepër përsosmëria e tij
Këtu është problemi: ndajfolja-tepër-që më sjell në mendje se jam një grua pothuajse e lumtur…

Liljana Kristuli - Thagmat e Likes
Liljana Kristuli – Thagmat e Likes

Marrë nga Muri i FB Lili Kristuli, 10 janar 2024

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.