12.5 C
Tirana
E premte, 1 Mars, 2024

Mbeshtet RadiandRadi

spot_img

Ai që është gati të vdesë për Shqipërinë… – nga Faik Konitza

on

|

views

and

comments

Faik Konica (1875-1942)
Faik Konica (1875-1942)

Fytyra e turinj të shqipërisë (1903)

 Ay qi është gati të vdesë për Shqipërinë.

T(rank) S(piro) – pseudonim i Faik Konicës

Për turinjtë mê të dëndur të Shqipërisë, duhet vënë ’re ay qi është “gati të vdesë për kombin”.
U-kapa në fjalë, një ditë, me një njeri kësaj cipe, e ja shkurtimi i të folurit t’onë:
Unë – Kur je gati për të vdekur për atdhenë, ch’prêt?
Ay – S’erdhi koha.
Unë – Mos prit luftën e madhe. Që të nxehësh zëmërat, që t’a afërosh ditën e mirë, qit-e pallën, hidh-u, bê në trimërië të chkëlqyer për atdhenë, të chuditen bota, e të chuditemi të gjithë.
Ay – S’erdhi koha.
Unë – Sill-e, në mos erdhi!
Ay – Pa më thua, pse s’vete të vritesh mê parë ti qi qënke mê trim? A po s’erdhi as për ty koha?
Unë – S’erdhi, e, për, mua, s’do të vijë kurrë. E sheh që unë s’rrenj. S’jam trim, unë. A shkrova, a thashë kurrë se do të nisem për luftë? Jo! Se nuk është puna ime. S’jam njeri i luftës. Palla ime është pënda: atë pâllë të dobët kam, me atë përpiqem t’i shërbej atdheut. Fiunt scriptores, nascuntur heroes. Ti që lëve trim, – bêje fora një herë jataganin për nder të Shqipërisë.
Ay – S’erdhi koha. Sot për sot, sa dô trimërira të bëhen do të venë kot.
Unë – As gjê s’vete kot. Trimëria qi duket mê e panevojshëme, po të bëhet më mëndje që t’i shërbejë atdheut, kot nukë vete. Ja një pun’ e mirë: Në do, ngjit-u në Tour Eiffel (Kullë e Parisit) e hidh-u poshtë të thyhesh në njëqint copë. Mê parë, shkrua këtë bilete e vër-e në taskë: “Vras veten për të provuar se Shqipëtarit nuk i dhëmbet jeta. Për fare gjê e vrava veten. Le të kuptojë tani Evropa, me anë të gazetave, se ch’munt të bëjë Shqipëtari kur të jetë nevojë të vritet, jo për fare gjê, po për atdhenë!”
Ay – Tallesh me mua.
Unë – Nukë tallem me ty. Në mos dô të vrash veten, me gjithë se je gati për të vdekur, chap në Shkodrë, në Iakovë, në Berat a në Gjinokastrë, e, në mes të pazarit, thirr si telalli të drejtat e Shqipërisë. Ja në punë e mirë. Ch’do t’të bëjnë mê të ligë se të të vrasin, punë për të cilën ti thua se je gati.
Ay – Fjalë, fjalë! S’erdhi koha, baba!
Unë – Në mos erdhi koha për të vdekur, djalë, erdhi një kohë tjatër: erdhi koha të ngrihesh e t’a kapërxesh me vrap prakun e derës s’ime, se mjaft më chave kokën!
.
T(rank) S(piro)
(Marrë nga Albania – 1903)
.
P.S – T. S. Pseudonim i Faik Konicës ka përdorur edhe pseudonim Trank Spiro Bej, Falenderoj Agim Morinen per tekstin origjinal te Albainse
Faik Konica - Origjinali i Albanise
Faik Konica – Origjinali i Albanise
Faik Konica - Origjinali i Albanise
Faik Konica – Origjinali i Albanise 2

Ai që është gati të vdesë për Shqipërinë…

nga Faik Konitza

Ndër turinjtë më të dendur të Shqipërisë, duhet vënë re ai që është “gati të vdesë për kombin”.
U kapa me fjalë një ditë, me një njeri kësaj tsipe, e ja shkurtimi i të folurit tonë:
Unë – Kur je gati për të vdekur për atdhenë, ç’pret?
Ai – S’erdhi koha.
Unë – Mos prit luftën e madhe. Që të nxehësh zemrat, që ta afrosh ditën e mirë, qite pallën, hidhu bëj një trimëri të shkëlqyer për atdhenë të çuditen bota e të çuditemi të gjithë.
Ai – S’erdhi koha.
Unë – Sille, në mos erdhi!
Ai – Pa më thua, pse s’vete të vritesh më parë ti që qenke më trim? A po s’erdhi as për ty koha?
Unë – S’erdhi, e për mua, s’do të vijë kurrë. E sheh unë s’rrenj. S’jam trim unë. A shkrova, a thashë kurrë se do të nisem për luftë? Jo! Se nuk është puna ime. S’jam njeri i luftës. Palla ime është penda, atë pallë të dobët kam, me atë përpiqem t’i shërbej atdheut. Fiunt scriptores nascuntur heroes. (Shkrimtarët bëhen heronjtë lindin). Ti që leve trim, bëje fora një herë jataganin për nder të Shqipërisë.
Ai – S’erdhi koha. Sot për sot sado trimërira të bëhen do të venë kot.
Unë – Asgjë s’vete kot. Trimëria që duket më e panevojshme, po të bëhet me mendje që t’i shërbejë atdheut, kot nuk vete. Ja një punë e mirë: Në do, ngjitu në Tour Eiffel (Kullë e Parisit) e hidhu poshtë, të thyhesh në një qind copë. Më parë, shkruaj këtë biletë e vëre në taskë: “Vras vetëm për të provuar se shqiptarit nuk i dhembet jeta. Për fare gjë e vrava veten. Le të kuptojë tani Evropa, me anë të gazetave, se ç’mund të bëjë shqiptari. Kur të jetë nevoja të vritet, jo për fare gjë, po për Atdhenë!”
Ai – Talle me mua.
Unë – Nuk tallem me ty. Në mos do të vrash veten, megjithëse je gati për të vdekur, çap në Shkodër, në Gjakovë, në Berat a në Gjirokastër, e në mes të pazarit, thirr si tellalli të drejtat e Shqipërisë. Ja një punë e mirë. Ç’do t’të bëjnë më të ligë se të të vrasin, punë për të cilën ti thua se je gati.
Ai – Fjalë, fjalë, s’erdhi koha, baba!
Unë – Në mos erdhi koha për të vdekur, djalë, erdhi një kohë tjetër: erdhi koha të ngrihesh e ta kapërcesh me vrap pragun e derës sime, se mjaft më çave kokën!
.
Marrë nga Bashkimi i Kombit, 1944
.

 

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.