back to top
21.5 C
Tirana
E hënë, 20 Maj, 2024

Abacia benediktine e Shën Palit në Kabash të Pukës – nga Kastriot Marku

Gazeta

Abacia benediktine e Shën Palit në Kabash të Pukës
Abacia benediktine e Shën Palit në Kabash të Pukës

Abacia benediktine e Shën Palit në Kabash të Pukës

nga Kastriot Marku

Abacia e njohur benediktine e Shën Palit ndodhet në Kabash të Pukës në dioqezë të Pultit.
Në vitin 1637, Frang Bardhi shkruan: “…Kabashët e Shën Palit janë 16 shtëpi, 114 frymë të krishtena, dhe po aq turke o diçka ma pak. Vendi asht i mirë, qet fryte e bar shumë, por venë pak e bukë edhe ma pak. Në të kaluemen ishin shumë të pasun, por mbasi filluen me i ramë mohit fesë katolike, janë vorfnue dhe prandej e njohin gabimin e vet të madh. Kanë kishën e vet n’emën të Shën Palit, larg sa hedhë gurin. Aty erdhën ata të Kabashit dhe panë meshën tonë e ndëgjuen fjalën tonë; kam krezmue 22 frymë sish. Kjo kisha e Shën Palit asht abaciale dhe asht kryet dhe ama e të gjitha kishëve të tjera të Pukës. Duket se motit ka qenë shumë e pasun; e dëshmojnë këtë ma pleqt e famullisë t’atij Shën Palit dhe copat e një kryqi argjanti të praruem shumë i bukur dhe shumë i pasun, dhe i pajisun në të katër anët me katër gurë që duken djamanta shumë të kulluet e të mëdhaj sa një kokërr arrë, e dhetë ma të vogjël të vendosun për rreth së Shenjtnueshmes Nanë që asht e ngulun në kryq nga njena anë e nga ana tjetër asht Zoti ynë Krishti, katër ungjilltarët e tij me shenjet e tyne, dhe nën kambët e Madhënisë së tij hyjnore janë të vendosuna disa shkroja greke, të cilat ndoshta tregonin ose vjetin ose argjantarin. Se ajo kishë ka qenë shumë e pasun provohet edhe nga një copë e bishtit të mitrës s’Abatit, që asht aty dhe e pajisun me gurë të çmueshëm. N’e mbrama, se ka qenë e pasun, provohet nga arat shumë të bukura që ka për rreth e që në kohë të vet prodhojnë sasi të madhe sane shumë të bukur, dhe nga shumë druj arre që e rrethojnë përqark. Këto i kishin pushtue të krishtenët dhe turqit dhe tash, tue veprue me zell, ua kam heqë duerve të tyne, dhe kështu i gëzon kisha e famullitari. Për ma tepër ka nën sundimin e vet shumë male fort të nalta të mbushuna me landë të mëdha e të trasha për çdo lloj druje, dhe aty bahen boronica(?) që i sjellin shumë t’ardhuna kishës…”
.
Marre nga Muri i FB i Kastriot Markut. 9 shtator 2020

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.