3 tetori dita e ribashkimit të dy Gjermanive, dhe disa fragmente historie – nga Klodi Stralla

0
14
Dy Gjermanitë - 41 vite të ndara (1949-1990)
Dy Gjermanitë - 41 vite të ndara (1949-1990)
Dy Gjermanitë - 41 vite të ndara (1949-1990)
Dy Gjermanitë – 41 vite të ndara (1949-1990)

3 tetori dita e ribashkimit të dy Gjermanive,

dhe disa fragmente historie – nga Klodi Stralla

Mos janë bërë sot pishman Perëndimorët që s’e lanë Hitlerin t’i çonte sllavët përtej Uraleve, prej nga kishin ardhur 1000 vjet më parë?
Në veprën e tij të vetme programatike “Mein Kampf”, të shkruar në burg në 1923, kur ende ishte një i panjohur, Adolf Hitleri rekomandonte që, nëse Gjermania do të synonte të bëhej një Fuqi e Madhe, ajo detyrimisht duhej të zgjerohej me territore në Lindje. Bëhej fjalë për tokat e Ukrainës, një hambar i madh prodhimi ushqimesh, aq jetike për gjermanët dhe po ashtu një burim i madh lëndësh të para dhe energjitike defiçitare për industrinë e saj.
Me të ardhur në pushtet, në 1933, ai ndërmerr një plan veprimesh diplomatike, ekonomike dhe ushtarake në funksion të realizimit të këtij synimi madhor. Por… përpara tij qendronte një pengesë serioze – albioni britanik.

Rënia e Murit të Berlinit 1989
Rënia e Murit të Berlinit 1989

Hitleri, mendonte, se likuidimi i Rusisë bolshevike (komuniste) ishte edhe përparësi e diplomacisë britanike dhe këtu u gabua. Për të, “Rusia ishte një bacil (mikrob) ngjitës që, atyre kombeve që iu ngjitej, i shkatërronte dhe i çonte në shpërbërje…” Prandaj rekomandimi i tij ishte përdorimi i “antibiotikëve” efikasë dhe me këtë ai nënkuptonte luftën, duke i çuar sllavët andej nga kishin ardhur 1000 vjet më parë, në stepat, përtej Uraleve. Ndaj i kërkoi Anglisë “liçencën” e një spastrimi të tillë, me koston e vet njerëzore dhe monetare, mjaft që Anglia të hiqej mënjanë dhe t’i nxirrte gështenjat nga zjarri me duart e të tjerëve (gjermanëve).
Por anglezet llogarisnin ndryshe.
Ata (anglezët), për shumë kohë, hezituan ndaj një propozimi të tillë (vizita enigmatike e Rudolf Hessit, krahut të djathtë të Hitlerit, në Angli). Më në fund triumfoi lobi liberal i Financave Ndërkombëtare (bankat), i përfaqësuar nga Çurçilli (dhe më vonë Rusvelti), i cili, midis dy fuqive totalitare të kontinentit, shihte si më të rrezikshëm për interesat britanike – Gjermaninë.
Anglezët e pranuan sfidën, ndonse nuk ishin të përgatitur për luftë, dhe kjo ishte në thelb Lufta e Dytë Botërore.
3 tetori 1990, është data e ribashkimit të dy Gjermanive, të ndara që nga L2B katër dekada më parë dhe njëkohësisht edhe lindja e “Rajhut të Katërt”, gjigandit ekonomik të kontinentit.
Ngjarjet në Rusinë e Putinit (Ukraina) dhe synimi i tij i dukshëm për ta rindërtuar Perandorinë e dikurshme caristo-bolshevike, ka rikthyer në botën Perëndimore rishikimin e pozitës ushtarake të Gjermanisë.
A do ta pranojnë gjermanët sfidën? Jam dyshues!! Popujt sot nuk duan luftë, aq më shumë gjermanët që e pësuan prej saj. Ata ndihen mirë ekonomikisht dhe s’ka pse dëgjojnë “sirenat” anglo-saksone që do të donin të gjenin “Stalinin” e ri (gjermanët) për t’iu kundravënë “Hitlerit” të dikurshëm – Putinit të sotëm…

Vladimir Putin dhe Lufta e Ukraines
Vladimir Putin dhe Lufta e Ukraines

Related Images:

Artikulli paraprakPesë vjetori i ndamjes nga jeta i Robert Elsiese, Bir i Thethit – nga Zef Manima
Artikulli tjetërEnigma e zbulimit te kodikve te Beratit – nga Ylli Polovina
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.