back to top
32.5 C
Tirana
E shtunë, 22 Qershor, 2024

Wili Kamsi (1926-2017) – Intelektual i madh vazhdues i traditës së Engjellorëve të mëdhenj

Gazeta

Wili Kamsi (1926-2017)
Wili Kamsi (1926-2017)

Wili Kamsi (1926-2017)

Intelektual i madh vazhdues i traditës

 së Engjellorëve të mëdhenj.*

Telegram ngushëllimi i Shoqatës
së Intelektualëve Gjithshqiptarë
“Trojet e Arbrit” me rastin e ndarjes nga jeta
të pinjollit të Engjëllorëve Willy Gjon Kamsi.
 
E nderuara Familja Kamsi!
Të nderuar ithtarë të Shqipëris Etnike në të gjitha Trojet Shqiptare.
Shoqata e Intelektualëve gjithshqiptarë Trojet e Arbrit me dhimbje të thellë e mori lajmin e kalimit në amshim të studiuesit diplomatit dhe atdhetarit Willy Gjon Kamsit.
Willy Kamsi për 10 vite ishte aktiv dhe ka marrë pjesë në shumë sesione shkencore për ndriçimin e Historisë Shqiptare të mbajtura në të gjitha Trojet Shqiptare. Ai me studimet dhe pjesmarrjen e tij i jepte seriozitet shkencor dhe kombëtar sesioneve tona shkencore. Madje i ndjeri ëilly së bashku me të ndjerinë Mentor Quku, ishin dy ikona Shkodrane që përfaqësonin Shkodrën në kuvendet e Shqipërisë Etnike, ku ishin të nderuar dhe të respektuar nga mbarë Intelektualët nga të gjitha Trojet Etnike Shqiptare dhe Diaspora e madhe Atdhetare.
Familja Kamsi është një familje e nderuar e cila dha intelektualë dhe atdhetarë që bën emër në botën shqiptare. Simbas studiuesit Karlo Kamsi, pinjoll i kësaj familjeje, ai rrëfen historinë e njerëzve që kanë dhënë një kontribut të madh në jetën e vendit, që në kohët e hershme.
.
Wili Kamsi - Shoqata e Intelektualëve Trojet e Arbërit
Wili Kamsi – Shoqata e Intelektualëve Trojet e Arbërit
Duke folur për prejardhjen, – ai thotë se – Drishti ose siç njihet ndryshe Drivastumi ka qenë një ndër qendrat më të zhvilluara që në shekullin XII, dhe se Kamsi është mbiemri i njërës prej dy degëve të familjes së sundimtarëve të Drishtit, asaj të Ejllorëve ose Ëngjëllorëve. Kjo familje i ka rrënjët tek Dhimitër Ejlli dhe më pas ajo u nda në dy degë, në atë Kamsi dhe Radovani. Me pushtimin e Drishtit dhe fortesës së saj nga turqit, Ejllorët (Ëngjëllorët) u shpërndanë. Një pjesë e tyre merr mbiemrin Kamsi dhe zotëron fshatrat mes Cukalit e Drishtit. Më pas ata u shpërndanë në zona të ndryshme të Shkodrës.
Vlen të theksohet se përfaqësuesi i kësaj familje atdhetare Pal Engjëlli ishte i pari që e kishte shkruar Formulën e Pagëzimit. Edhe babai i Willy Kamsit, Gjoni kishte dhënë një kontributë të çmuarë atdhetar, dhe ishte krahu i djathtë i Luigj Gurakuqit. Gjon Kamsi ishte intelektuali, i cili e kishte bërë publike shpalljen e Pavarsis së Shqipërisë në mediat italiane dhe botërore te asaj kohe.
Edhe pse i lindur në Mërgim në Bari të Italisë në dhjetor të vitit 1926, e ku jetoj deri në vitin 1943, ku u kthye në Shqipëri së bashku me babanë Gjonin, Willy Kamsi dha një kontribut të madh intelektual duke e vazhduar traditën e Engjellorëve të mëdhenj.
.
Wili Kamsi dhe Papa Gjon Pali i Dyte
Wili Kamsi dhe Papa Gjon Pali i Dyte

Kur shkëndijat e Demokracisë dukeshin në shesh ai më plotë dinjitet e përfaqsoi Shqipërinë si Ambasador i parë i saj në Vatikan. Shoqata e Intelektualëve “Trojet e Arbrit” ndihet e priviligjuar që Willy Gjon Kamsi mori pjesë për 10 vite me radhë dhe dha një kontribut të çmuar, nëpër sesionet dhe akademitë tona shkencore. Ai gjithmonë fliste pak, por fjala e tij kishte peshë të madhe, për ndriçimin e kulturës, historisë, dhe ngritjen e vetëdijes kombëtare për një Shqipëri Etnike dhe Demokratike.

.

Wili Kamsi - në nji nga takimit e shoqatës
Wili Kamsi – në nji nga takimit e shoqatës
Willy Kamsi i la Kulturës Shqiptare disa vepra të botuara, si dhe disa studime shumë me vlerë që presin ta shohin dritën e botimit. Ai ishte intelektuali, i cili me forcën e argumentit historik dhe me gjurmimet nëpër arkiva e biblioteka të ndryshme, la gjurmë të shkruara që do t’ju shërbejnë brezave të ardhshëm për orientim të drejtë shkencor dhe kulturor të kulturës dhe traditës sonë shqiptare.
Shpirti i Willy Gjon Kamsit pushoftë në Paqe. Familjes dhe të gjithë përkrahësve të Shqipërisë Etnike ju shprehim ngushllime të thella me rastin e ndarjes nga jeta të studiuesit, atdhetarit, e diplomatit Willy Gjon Kamsi.
.
Shoqata e Intelektualëve Gjithshqiptarë Trojet e Arbërit
Nue Oroshi, Kryetar,
24 Janar 2017

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.