Thjesht, nuk mundem – nga Alma N. Liço

0
11
Alma N. Liço
Alma N. Liço
Alma N. Liço
Alma N. Liço

Thjesht, nuk mundem

nga Alma N. Liço

Urreva diellin. Si të mos e urreja. Ishte aq përvëlues në vapën e verës, teksa futesha në serën e nxehtë të domateve, ku më duhej të rropatesha 12 deri 14 orë në ditë.
Urreva shiun. Si të mos e urreja.
Më fshikullonte pa mëshirë mes arave teksa cfilitesha si skllave në vitet e rinisë, duke më njomur deri në palcë.
Urreva baltën. Si të mos e urreja. Teksa tërhiqja zvarrë çizmet e çara, ngecesha brenda tyre si në çark. Prej balte të tharë përzier me shkarpa ishin muret e kasolles ku jetoja. Ishte dyshemeja mbi të cilën gëlonin insekte që më sulmonin pa mëshirë. I largoja e lebetitur. Dhe ato fshiheshin në të çarat e saj për t’u rishfaqur sërish.
Urreva tokën. Ta punoja atë, çdo ditë, atje në fshatin e largët të internimit, nën dhunën e britmave të brigadierit, ishte më shumë se skllavëruese.
Urreva çdo bimë që mbillej në të. Ishin produkte skllavërie.
Urreva lulet… Ohhh, urreva edhe lulet! Mbilleshin edhe ato në tokë…
Urreva natyrën… Mrekullinë e Zotit…
Eh, sa më lodhi, sa me ligështoi kjo urrejtje. S’mundesha më. Një ditë kur e gjitha kjo mori fund, bëra paqe me to. E çfarë faji më kishin? Cili ishte mëkati i tyre? Përgjegjës për këtë raport absurd ishte diktatura me ingranazhet e saj çnjerëzore e të përbindshëm!
Sot mbaj një lule në dore. I ndjej aromën… Sa e pafajshme, dhe sa e bukur…
Por një gjurmë e fantazmës të së kaluarës ka mbetur, e ka mbijetuar brenda meje… Nuk mundem të mbjell, nuk mundem t’i ujis…
Thjesht nuk mundem!
.

Related Images:

Artikulli paraprakPetro Zheji – nga Edison Ypi
Artikulli tjetër“Na kishin kallur datënë poetëzezët t’anë” – Sotir Kolea (1931), i shkruan poetit Ali Asllani
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.