14.5 C
Tirana
E premte, 1 Mars, 2024

Mbeshtet RadiandRadi

spot_img

Prova që krimi komunist vazhdon… – nga Nebil Çika

on

|

views

and

comments

Arben Shira - Pushkatimi
Arben Shira – Pushkatimi

Prova që krimi komunist vazhdon…

nga Nebil Çika

Ky është urdhri i ekzekutimit i të burgosurit politik antikomunist, Ahmet Manxhar Hoxha nga Kolonja e Gjirokastrës, në Rrëshen të Mirditës, në datën 31.01.1979.
Urdhri është i firmosur nga Kryetari i Degës së Punëve të Brendshme të Mirditës, Skënder Likaj.
Skuadra i pushkatimit përbëhet nga:
Sokol Shuri – shefi i sektorit te hetuesisë
Viktor Konozi – shefi i policisë
Ndue Gega – polic
Preng Bardhi – polic
Ndue Kodra – polic
Zeqir Lalaj – polic
.
Dokument i nje Pushkatimi
Dokument i nje Pushkatimi
Në ekzekutim kanë marrë pjesë edhe Prokurori i Rrethit dhe mjeku Xhelil Zeneli.
Pushkatimi u krye në vendin e quajtur “Rruga e Kaçinarit”, Varianti i Druve, Rrëshen!
Për shumë vite vëllai i martirit, Taip Hoxha, iu lut anëtarëve të skuadrës së pushkatimit që janë gjallë, t’i tregojnë vendin ku e kanë varrosur të vëllanë, pasi ata e vranë, por ata nuk ia tregojnë.
U është drejtuar të gjitha hallkave shtetërore po nuk ka marrë asnjë përgjigje pozitive për gjetjen e eshtrave të vëllait.
Nuk ka tragjedi më të madhe se fakti që familjarët detyrohen të lutin vrasësit e të afërmve t’iu tregojnë ku e kanë varrin… dhe ata të mos ua tregojnë.
Prej kohësh kemi kërkuar që të parashikohet në kodin penal ndëshkim për fshehje të krimit që ata që kanë dijeni për vendet e pushkatimit të të pushkatuarve politike nga diktatura, (anëtarët skuadrave të pushkatimit) por ligjvënësit nuk e kanë marrë parasysh kërkesën tonë.
Kujtojmë që këto janë krime kundër njerëzimit dhe nuk parashkruhen.
Ky rast dhe shumë të tjerë nxjerrin zbuluar edhe propagandën dhe shown që qeveria bën me gjetjen e eshtrave të të zhdukurve nga komunistët pasi kemi adresën e saktë të vendit të ekzekutimit dhe disa nga vrasësit ende të gjallë dhe nuk ndërmerret asnjë veprim për të zbatuar detyrimin e saj ligjor.
Kjo është edhe provë që krimet komuniste në Shqipëri ende vazhdojnë dhe që komunistët janë e mbeten në anën më kriminale të historisë.
.

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.