Ballina Testata Gazeta Prej Radio Londrës te Filip Logoreci – tragjedia e 23 vjeçari të...

Prej Radio Londrës te Filip Logoreci – tragjedia e 23 vjeçari të pafajshëm

0
13
23 vjeçari - Filip Logoreci
23 vjeçari - Filip Logoreci
23 vjeçari - Filip Logoreci
23 vjeçari – Filip Logoreci

Prej Radio Londrës te Filip Logoreci

tragjedia e 23 vjeçari të pafajshëm

Djali shkodran Filip Logoreci 23 vjeçar i gjymtuar nga komunistёt vdes nё burgun e Shkodrёs.
Filipi, ishte djali i shtatë i familjes së Logorecve, që sapo mbaroi gjimnazin ra viktimë e sigurimit komunist, tuj e burgosë për ndёshkim të asaj çka i vëllai, Antoni fliste çdo natë në Radio Londra kundër regjimit. Çdo ditë e ma shumë ia shtërngonin prangat djaloshit të ri, tuj i kujtue “trillimet” e të vёllaut kundër partisë derisa gjymtyrët ju gangrenizuan dhe doktori i burgut “u detyrue” me ja kёput cung, tuj e lanë pa krahë, e pa njenёn kambë që ja “griu” tuberkulozi i kocave.
…Kur kapterri i burgut hapi derёn, terri i birucёs sikur u thinj nga nji rreze e zbehtë drite. Të gjithë sa ishin aty lёvizën frigshëm mbi shtrojet e zhelueme të vendosuna mbi dyshemenё e lagun. Heshtje. Ndigjohej vetëm ndonji dihatje e randë e mbytun në erë urine e djerse, që ishin të përhershme si terri…
Cili është Filipi, ulëriti gardiani me ton brutal prej komunisti fanatik jugor. Ngrehu të marrësh ushqimin që tё solli familja…
-Ai nuk mund të ngrihet, zotni komandant, u ndigjue nji za qi dridhej… Ai asht shumë i smunë e ka ra në kllapi prej ethesh… Kapterri hodhi mbi çimento me zhurmë tasat e ushqimit tuj mallkue e sha me bezdi…
Zef Staku, nji djalë rinok shkodran, qi i madhi Zot ja kishte “dёrgue” të smunit 23 vjeçar, tue i shёrbye si vllaut, u mundue me i vue në buzё pak lang mishi sjellë me sakrifica prej familjes. Edhe pse ishin 13 vetë, në qeli zotnonte nji heshteje mortore. Kërkush nuk bzante tue respektue orët e fundit të jetës të shokut të vuejtjeve. Në shpi t’Filipit, t’amёs Marijes, e cila rrinte me orë të tana mbas dyerve të randa të burgut me marrё ndoj lajm për të birin, kishte fillue me ja pushtue shpirtin nji ndjenjë shkretnimi, e zemra në krahnor po i rrahte si e tёrbueme.
-Qyqja unë, filloj me mendue drithshëm, tue qitë nji psherëtim të randë prej shpirtit… A thu m’ka gjetё gja djalin… Kumbona i kishës së fretenve lajmroj orёn tre, por tingllima e saj, nanës iu duk vajtueshëm.
-Zef, nanës, mi ço fjalë! – pёrshpёriti nga buzët e shpirti i plasun, ndër grahma i burgosuni… – I thuej qi e du shumë… nanës!
Tue lshue nji pikë loti dhe kryet rrzue në prehnin e vllaut të vuejtjeve qi e shtërngonte në gji… Larg u ndien kumbonët, ndërsa Zefi përshpёriti në heshtje lutjen e fundit për shpirtin e shokut tё vet.
Dera u hap furishëm e heshtjen e përmortshme të qelisë e prishi ardhja e kapterrit, i cili tuj mbështjell me thasё trupin e pajetë të Filipit ju kërcnue me urrejtje të tjerve:
-Njikshtu si “ky”, keni me dalë edhe ju t’tjerët prej ktu…
Njё histori reale e ndodhun ndёr birucat famkeqe tё burgut tё Shkodrёs, nga kujtimet e mia pёr axhёn tem Pjetёr Logoreci
.
Marrë nga muri i Fb i Agustin Mirakës
.

 

Related Images:

Artikulli paraprakLamtumirë Miku im…! – nga Albert Vataj – kushtuar largimit të parakohshëm të piktorit Gjovalin Paci…
Artikulli tjetërMbasi recitova pjesën time… nga Enkeleda Ristani
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

S'KA KOMENTE

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.