10.5 C
Tirana
E shtunë, 2 Mars, 2024

Mbeshtet RadiandRadi

spot_img

Një përshëndetje… dhe pak nostalgji nga koha e fitorjeve… Edmond Hasani

on

|

views

and

comments

Mond Hasani
Mond Hasani – Varianti doktor

Një përshëndetje… dhe pak nostalgji nga koha e fitorjeve… Edmond Hasani

Me sa shihet po ikën pa lejen tonë dhe ky vit rrugaç, i padisiplinuar, që s’pyet fare për dëshirat tona, që s’na respekton… por me vrap na i merr ditët tona duke na lënë të shpresojmë të dëshpëruar se viti që vjen do jetë më i mirë!
Me kot, e kemi, njësoj do të jetë!
Të gjithë derrat një turi kanë, fundja po hajt mo po bëj sikur po shpresoj!!!Çfare ke? Të dukem cinik apo pesimist që përçoj rreth e rrotull energji negative dhe shpresa të rreme? Jo, mor jo… jam thjesht një pesimist që me optimizëm besoj se asgjë e mirë nuk na pret, por që veç t’Ju respektoj po ju them: Gëzuar 2014!
31 dhjetor 2013

Duke kujtuar hartimet e mia shkollore, ku malet e pamposhtur, mëngjeset punëtore, fushat me grurë e kombajnat e papërtuara, qeni i kufirit dhe kufitari syshqiponjë, qielli i pilotëve dhe deti i marinarëve, këngët e vogëlushëve të kopshteve dhe gjaku i kuq i dëshmorëve, përbënin thagmën e dyfjalëshit “Parti-Enver…”, mendja më shkoi në Kala të Dodës ku ”mbroja” ca kohë Atdheun nga armiqtë që nuk i pashë kurrë me sy, (siç dukej ishin dh… prej meje)!
Ishte vera e nxehtë e ’83-it, dhe atje në kufi nuk kisha aspak dëshirë ta jepja jetën për Atdheun, (siç isha betuar në hartimet e mia ku gjithnjë u merrja 10, mësuesve të letërsisë!
Shijoja asokohe bashkë me patatet e pjekura që s’di pse m’shijonin kur i haja me duar palarë edhe groshën dalë nga një kusi që ishte prodhuar e shtrembër, po edhe bukuritë e Sorokolit dhe Fushës së Korabit…!
Kalova një verë të mrekullueshme majëmalesh, ku idili romantik m’u shfaq veç një herë në kroin e Radomirës në formë nimfe me dy sy të zinj mbështjellë me një shall të zbukuruar nga monedha floriri!
Po e gjithë kjo periudhë rehatije përballë ”armikut” dhe nimfës radomirase, m’u prish kur një dizanteri akute i detyroi eprorët e mi të më hiqnin prej andej! Mbas shërimit më dërguan përsëri lart në male bashkë me një kalë, të cilin meqë s’dija ta ngisja e mbaja përdore gjatë gjithë rrugës për në repart!
Dhe si i lindur fatkeq… në Sllatinë, e humba kalin, i cili përfitoi nga mjegulla e dendur e mëngjesit dhe m’u zhduk! Bëra si bëra dhe arrita në repartin e Sllatinës, i cili ishte vendosur mu në mes të arave me të mbjella! Ky repart ishte si vend internimi për ca ushtarë nga Tirana, të cilët ishin të gjithë me biografi të keqe!
Kur u afrova aty, pashë një pamje sureale: ata ushtarë me mbiemra të çuditshëm si Djathi, Hekuri, Metali, Mjekra etjerë ishin zhveshur lakuriq fare, bile edhe pa brekë dhe po luanin me zar në oborrin e rrethuar me tela me gjemba, pas të cilave kooperativistet po punonin tokën!!!
Kur me panë mua, të habitur u afruan dhe meqë njiheshim paksa, hymë në një bisedë të ngrohtë… dhe kur morën vesh se më kishte humbur kali i repartit më ngushëlluan… duke më kujtuar se “veç 15 ditë burg garnizoni…” do të më takonin të bëja!!!
Ehhhhhh, ishin djem të mirë, qytetarë tironas, të persekutum, gallataxhinj dhe fatkeqë!
Mbas rrëzimit të komunizmit, kam takuar Metalin, i cili me tregoj se “Mjekra u mbyt në Bari… ditën e parë që mbrriti në Perëndim… Djathi është paralizuar dhe ecën me karrocë, ndersa Hekuri vdiq te një kabinë elektrike, ndërsa tentonte të vidhte pak energji… se i duhej të lahej!
E pra, ne ishim ai kontingjenti i atyre që do “mbronim” atdheun nga “armiqtë”… pa i ditur aspak n’atë kohë vargjet: “Mora pushkën dola malit… të luftoja për atdhe… ku e dija unë i gjori… se armiku ish me ne!!!

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.