Luviona -Violinistja e talentuar lushnjare – përgaditi Maksim Kulla

0
15
Luvienne gjate koncertit
Luvienne gjate koncertit
Luviona Hasani (emër arti Luvienne
Luviona Hasani (emër arti Luvienne)
Luviona -Violinistja e talentuar lushnjare

përgaditi Maksim Kulla

Luviona Hasani (emër arti Luvienne), lindi në qytetin e Lushnjës me 30 dhjetor 1982.
Në fëmijëri shfaqen hapat e para të një talenti në muzikë dhe pasioni i saj bëri që të provojë aftësitë në koncertet e shumta që organizoheshin nga shtëpia e pionierit nën drejtimin e shefit të muzikës, dirigjentit Edmond Doko. Në festivalin e këngës për fëmijë në vitin 1988, në Lushnjë do të shpallej fituese e vendit të parë me një këngë të kompozuar nga Bledar Skënderi, kur ajo akoma s’kishte mbushur moshën 6 vjeçe. Në vitin 1989, fillon mësimet në instrumentin e violinës pranë shkollës 8-vjeçare ‘‘Kongresi i Lushnjës’’, fillimisht dy vitet e para me violinisten Karmelina Tuçi e më pas me violinisten Albana Kozeli deri në klasën e tetë.
.
Luvienne gjate koncertit
Luvienne gjate koncertit
Në vitin 1998, fiton konkursin në Liceun Artistik ‘‘Jordan Misja’’ në Tiranë, një nxënëse model në klasën e violinës, premtuese për të ardhmen, ku iu desh një punë e jashtëzakonshme për të arritur në nivele të parardhësve të saj liceiste që ishin pjesmarrës në orkestrat sinfonike të Radio Tiranës apo orkestrës simfonike të Operas dhe Baletit Shqiptar. Në vitin 2001, mbaron me rezultate të shkëlqyera nën drejtimin e përkujdesjen e violinistes Pranvera Tego, e cila me metodën e saj të mësimdhënies e futi në rrugën e profesionalizmit dhe të ambicjeve për t’u bërë një violiniste karriere.
Perfeksionon interpretimin dhe teknikën e violinës me artistin e mirënjohur Zhani Ciko e më pas në vitin 2003, ndjek një master për orkestër dhome në shkollën “La Scuola Di Alto Perfezionamento Musicale” në Saluzzo, ku do të realizojë koncerte me personalitete të njohur të muzikës si Massimo Quarta, Enrico Dindo, Sonig Tchakerian, Tomas Major, Peter Lucas Graf, Renato Serio, Peppe Vesicchio, etj.
.
Luvienne ne komunikim me shtypin
Luvienne ne komunikim me shtypin
Në vitin 2005, diplomohet në Akademinë e Arteve të Bukura me profesor Roland Xhoxhi dhe pas diplomimit në Tiranë, Luviona vendos të ndjekë studimet në Itali për një kualifikim të mëtejshëm. Arrin me talentin dhe përkushtimin e saj të diplomohet në vitin 2008 në konservatorin “G. F. Ghedini” në Cuneo me professorin Piergiorgio Rosso, por ndërkohë fillon të kërkojë dhe të realizojë bashkëpunimin me ‘‘l’Orchestra Milano Classica’’, ‘‘l’Orchestra Classica Di Alessandria’’, la Fondazione CECO, ‘‘l’Orchestra Classica Italiana’’, ‘‘l’Orchestra Sinfonica di Savona’’, ‘‘l’Orchestra Filarmonica del Piemonte’’, ‘‘l’Orchestra Filarmonica di Torino’’ etj, ku i jepet mundësia të interpretojë me artista me famë botërore si Ennio Morricone e Andrea Bocelli.
Në vitin 2007, është në formacionin e Souls Alive Band të këngëtarit amerikan Solomon Burke, i njohur edhe si Mbreti i muzikës Soul, ku do të marë pjesë në shumë festivale Jazz në Europë si ‘‘Montreux Jazz Festival’’, ‘‘Umbria Jazz’’, ‘‘Juan le Pins Festival’’, ‘‘Nice Jazz Festival ‘‘Den Hage Festival’’, ‘‘Paris La Defense Festival’’ etj. Luviona në Itali merr pjesë gjithashtu në shumë spektakle televizive në rrjetet Mediaset e Rai si “Io Canto”, “Scherzi a Parte”, “Una Serata a Bella”, “X Faktor”, “Top DJ”.
.
Luvienne ne komunikim me shtypin
Luvienne ne komunikim me shtypin
Në emisionin ‘‘Che Tempo Che Fa’’, bën pjesë në kuartetin e harqeve që shoqëron artistin Andrea Bocelli. Që nga viti 2010 është violiniste dhe një nga këngëtaret e grupit muzikor “Di Goldene Pave”, një kuintet femëror që ekzekuton muzikë hebraike të riarranxhuara për piano, violinë, violë, violonçel e zë, me të cilët do të realizojë disa koncerte: ‘‘Blue Note Milano’’, ‘‘Festivali i Librit Hebraik’’ në Ferrara, ‘‘Oy Oy Oy Festival’’, ‘‘Fiorenza Jazz’’ në Teatrin ‘‘Arsenal’’ në Metz- Francë, në Teatrin ‘‘San Giuseppe’’ në Torino etj. Ky grup do të kishte privilegjin për të ekzekutuar në shumë raste përpara personaliteteve italiane si Romano Prodi, Gad Lerner, Don Ciotti, etj. Në vitin 2012, përfundon masterin në ‘‘Violinë Soliste’’ në konservatorin “Giuseppe Verdi di Torino” me profesor Serguei Galaktionov, spala i Teatrit Reggio në Torino dhe në vitet 2014-2017 mban rolin e violinës spale dhe solistes në orkestrën e harqeve “Notte d’in Chiostro” dhe është gjithashtu ‘‘Instrumental Scholar’’ në Universitetin “Cattolica Del Sacro Cuore” në Milano.
Luvionën për gjithë këto vite e shohim kryesisht të përqëndruar në interpretimin e muzikës klasike, por do të vinte viti 2012, ku ajo fillon të interesohet për rryma të tjera muzikore, duke përshtatur teknikën violinistike me një repertor muzikor modern (rrok, dance, jazz). Me violinën elektrike në vitin 2015 realizon “Prima”, një EP me pesë pjesë muzikore: ‘‘PopCorn’’-Radio Version, ‘‘We will rock You’’, ‘‘Music’’, ‘‘Smooth Kriminal’’, ‘‘PopCorn’’ – Remix…
.
Luvienne gjate koncertit
Luvienne gjate koncertit
Ky realizim u prit shumë mirë nga publiku dhe veçanërisht videoklipi ‘‘PopCorn’’ arriti deri në 4.4 milionë shikime në Youtube. Në vitin 2017 kompania telefonike ‘‘Huawei’’ e zgjedh si një nga interpretueset më të mira në një reklame në web. Me talentin e saj dhe me eksperiencën profesionale Luviona me violinën elektrike ka dhënë koncerte të sukseseshme në Paris, Zurich, Lausanne, Bern, Berlin, Clear Çater, Florida, Taipei, Tel Aviv, Barcelona, Budapest, Athinë, Montecarlo etj. Ajo vazhdon rrugën e artit muzikor dhe është duke përgatitur në studio EP-në e saj të dytë, ku do ekzekutojë repertor klasik dhe modern të riarranxhuar me violinën elektrike.
.

 

Related Images:

Artikulli paraprakPrenda Mark Sadiku: Si u arratisa së bashku me at Danjel Gjeçajn, Martin Camajn etjerë.
Artikulli tjetërMajori i Mallakastrës, Mustafa Aranitasi, Themelues i Qeverisë së Parë Shqiptare në Korçë – nga Vepror Hasani
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.