10.5 C
Tirana
E shtunë, 2 Mars, 2024

Mbeshtet RadiandRadi

spot_img

Kujtime fëminie – nga Xhabir Tabaku

on

|

views

and

comments

Xhabir Tabaku
Xhabir Tabaku

Kujtime fëminie

nga Xhabir Tabaku

Ishte një burrë i gjatë, diku te të katërdhjetat, i çpërqendruar, i pirë më së shumti… ai priste biletat e kinemasë. R….. e kishte emrin. Një herë desha të hyja nga dritarja e nevojtores së kinemasë për të pa një film. Më zuri. Më rrahu. Më rrahu aq, sa akoma më ziejnë veshët nga të shkulurit. Më gjuajti me shkelma e më shau nga nana. E gjitha kjo, për një biletë 10 L që nuk mund ta bleja. Pak para se të ikja përfundimisht nga Shkodra, e gjuajta me gurë mbas shpine. Kisha dëshirë t’i bija në krye. Mbas kreje. Nuk e zu mirë. E kapi në shpinë. Por i dhimbti. lëshoi za. U gjunjëzua. Unë eca ngadalë drejt PTT ishte afër ‘Kinema Republikës’. Mandej shkova në shpi e i tregova nanës. I thashë që u hakmora. Ajo heshti. Baba më bleu një biçikletë vjetnameze për 16 vjetorin pak ditë mbas. Më përgëzoi që u hakmora. Të dy e pëlqenin hakmarrjen… Njerëz primitivë? haha jo jo! Ishin me dinjitet. Pastaj ai R…… i kinemasë ishte pis. Pinte alkool përditë e nuk lahej. Nga e di unë? Qelbej një km larg mor! Dhambët e verdhë. Inshallah nuk ka vdekë e dikush i lexon këta radhë e i tregon. Dua ta dijë.
E pashë në ëndërr plehun duke më shkulur veshin. Shpesh shoh ëndrra me fëmininë. Sa fëmini të zorshme kisha! 
Ilustrim grafik i Shkodrës së hershme
Ilustrim grafik i Shkodrës së hershme

***

Mbasi mbarova tetëvjeçaren, kërkova të shkoja në shkollën mjeksore në Elbasan ose në shkollën pedagogjike në Shkodër. Gjimnazi ishte kot. Ishte kot për mua, jo për të gjithë. Disa e kishin atë (gjimnazin) si trampolinë për më lart. për mua nuk kishte më lart. Ishte gjithçka rreth mediokritetit. Më duhej një zanat. Nuk ma dhanë. Më thanë se duhej të shkoja në gjimnaz mbasi isha me dhjeta, dhe se Partia donte që ne me dhjeta, të shkonim nepër gjimnaze që të dilnim më vonë kuadro. Kështu më tha kryetari i lagjes, dhe më qesëndisi. ai ishte qytetar. Ai ishte i familjes Gjyli, të njohur në qytetin tonë. Kjo na vriste akoma më shumë. Baba i tha se nuk kishim shumë pretendime, ndaj të lutem mos ma pengo djalin për në Elbasan ose në Shejnaze Juka (shkolla pedagogjike e Shkodrës). Nuk ma dhanë. Më caktuan në gjimnaz. Nuk shkova. Ikëm në Tiranë me banim. Baba pagoi qimet e kresë. por e siguroi zhvendosjen në Tiranë. Sa shkuam në Tiranë ai kryetari i lagjes,* Gjyli ngordhi. me kancer. Kot thonë që kanceri është sëmundje e keqe. Ja që bëri mirë!
***
Pse i thua këta gjëra të hidhura të shkuara? Pse? Ja pse! sepse më kanë lenë gjurma në tru. Se më kanë bërë të urrej që fëmijë (kur duhej vetëm të doja e të isha i lumtur)… Ma prishën fëmininë e rininë e hershme…
 .

***

Ishte një plak që shkonte rrugëve të Shkodrës i vetëm. Si mut e kishte fytyrën. Ai plak muti, ishte spijun i sigurimit. Mesi e kishte mbiemrin. Ai muti, i kishte dalë dëshmitar në gjyq gjyshit tim. Dëshmitar në rrenë. Pra sigurims. Një ditë isha me babën duke kaluar pranë galerisë së arteve figurative Shkodër (sot Bashkia Shkodër, në mos gaboj), pamë atë spiunin fytyrë muti. Pak nga urrejtja e pak për t’i hy babës më qef thashë ta pështyja në turinj. Baba më ndaloi. Sigurisht që nuk do dilja kundër fjalës së babës. Në të vërtetë nuk isha dhe aq i gatshëm ta bëja.
– shyqyr që nuk ishe ti me të! – i tha baba nanës kur shkuam në shpi. 
Nana buzëqeshi dhe tha lehtë duke pëshpëritur: – Djali e paska pështyrë plehun… Vetëm nuk e paska hedhur pështymen në atë fytyrë të qelbur të spiunit. Ma vonë nana më rroku e më merrte erë në krye. I ndjeja lotët e gëzimit tek rridhnin nga sytë e saj mbi mua.
.

***

A din si mendoj?
Mendoj se duhet të flasim me emra e mbiemra këtu e mbrapa. ja si mendoj. Ky muti që dëshmoi rrenë ndaj gjyshit tem, ka pas ra ma vonë në burg (punë ordinere diçka në mos gaboj). Atje në burg ka pas pranuar se ka bërë gjynah me dëshminë kundër gjyshit tim. Më ka vra gjynahu i tij pat thanë. Por kjo nuk më pengoi të kënaqesha kur një mik më tha se kish marrë tre muaj për t’i dalë shpirti. E kishte ndigjue tanë mahalla duke bërtitë nga dhimbjet. Ja! Ky asht kuptimi i thirrjes Allahu Akbar. Ai (Zoti) na sheh. edhe në gjumë kur andërrojmë. më ka pa edhe mua sonte duke u kënaqë kur pashë t’i dhimbte R……. Kur e godita me gur në shpinë. Ishalla do të më falë. sidomeqenë edhe në ëndërr u gëzova që e qëllova. Përherë kam menduar se mos ka qenë keq mbas shpine. Jo, jo. Ma mirë mbas shpine. ashtu nuk e dijnë nga u vjen. Sa shkërdhata ka në vendin tim! Por disa janë shumë shkërdhata. Si ai Mesi që i doli dëshmitar gjyshit. Zoti më faltë por mendoj se gjyshi asht në xhenet e ai fytyrëmuti spijun në fund të xhehnemit. Nganjëherë (Zot më fal) kam qef me shku në xhehnem veç me i pa duke vuajtur shkërdhatat e vendit tim!
.
Marre nga Muri i FB i Xhabir Tabakut, 20 qershor 2021
.

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.