10.5 C
Tirana
E diel, 3 Mars, 2024

Mbeshtet RadiandRadi

spot_img

Humori i Paulin Selimi… në kujtesen e Ilir Secit

on

|

views

and

comments

Paulin Selimi (1947-2013)
Paulin Selimi (1947-2013)

Humori i Paulin Selimit…

në kujtesen e Ilir Secit

Shkrimtari shkodran, Paulin Selimi, (Pastë Dritë!), lirisht mund të quhet Mark Twain Shqiptar!…
Skeçe si ai: “Kunati i shokut Xhemal”, “Kushërini nga Amerika”, “E drejta e Natës së Parë”, “Fejesa në Amerikë”, “Erdhën ndihmat”, “Edukate Familjare”, etj, pa diskutim ja kanë dhanë vendin e nderit në Panteonin e Humorit Shqiptar!
Njisoj si ka kenë i madh në skeçe, njashtu ka kenë edhe në jetë! Ata që kanë miqësi dhe ndejtë me të, e kujtojne shumë mirë!

Ilir Seci 2014
Ilir Seci 2014

***
…Na tregonte në nji rast nji histori të fortë fill mbas Kongresit të Drejtshkrimit…
-Kur kishin nisë me u vu në jetë mësimet e Kongresit të Drejshkrimit, Paulini kishte kenë student në Fakuktetin Gjuhë-Letërsi në Tiranë… Në nji orë leksioni Profesor Shaban Demiraj, po u shpjegonte studentëve “Dukurinë e Rotacizmit” …Dmth shndërrimin e mbaresave “-an” të gegnishtes në mbaresa “-ër” të Normës së 1972-it!
Paulini paska kenë duke folë me dikë dhe Profesor Demiraj, i tërhjek vëmendjen:
-Ore Shkodrjan! Paulin Selimi, mendjen në leksion! Mos më fol në orë të leksionit!…
-Nuk po flitsha Profesor! – ja kthen Paulini…
-Ore që fole, të pashë vetv! – i thotë Profesori, i cili për ta zënë ngushtë Paulinin, i thotë:
-Meqë nuk po flisnje, pa na thuaj atëhere se për çfarë po diskutohet këtu?!
-Po Profesor! Ju po flisnit për “Dukurinë e Rotacizmit”! – i përgjigjet Paulini…
-Shumë mirë! – vazhdoi Profesor Shaban Demiraj, duke e pyetur:
-Tani ti Paulin ma e ilustro me ndonjë shembull kët Dukurinë e Rotacizmit?!
-Po ja Profesor! – i thotë Paulini – Marrim për shembull emnin tuaj, Shaban! Në bazë të rregullit të ri caktuar në Kongres të Drejtshkrimit, emni juaj “Shaban” tash e tutje duhet me u thirrë “Shabër”!?

***
Në vitin 1995, bahen zgjedhjet e Forumit Rinor të Ballit Kombëtar, Dega Shkodër… dhe kryetar i Forumit zgjidhet nji i ri me emrin Paulin Selimaj… Kur transmetohet kronika në Lajmet e Radio-Shkodrës për me ba pak humor, gazetarët e kronikës thonë emrin e Paulin Selimit… Kryetarit të porsazgjedhun të forumit ballist!…
Në mbramje, kur Paulini bante xhiro në Piacë, njerëzit rrijshin duke i thanë:
-Urime Paulin!-
-Falemnderës! – ua kthente Paulini që e kuptonte se nji rreng po luhej diku, por nuk po e jepte vedin…
Ma në fund njani i afrohet edhe i thotë:
-Paulin, ishe zgjedhë kryetar i Forumit Rinor të Ballit Kombëtar, a?! Po a nuk je pak në moshë ti mor burrë, a?! Se ti je mbi Katërdhetë vjeç m’duket?!”…
-Pse mor çka ka?! Unë 43 vjeç jam, po Forum Rinor i bjen me kenë, se na kryetarin, Abaz Ermenjin 92 vjeç e kena, a jo!?” – I thotë Paulini duke vazhdu shetitjen…

***
Në vitin 1995, Paulinin e kishin ftuar në një spektakël televiziv në TVSH …
Bashkë me Paulinin e ftuar në studio ishte edhe Ilda Teka, Miss Shqipnia…
Gazetari Adi Krasta për me e ngacmu Paulinin e pyet:
-Si të duket vetja para Miss Shqipërisë Zoti Selimi?!
-Si para ambasadës italiane, në pritje me marrë vizë!” – i gjegjet Paulin Selimi…

***
Në vitin 1998, nji shkrimtar nga Shkodra bante nji promovim libri, dhe kishte ftuar edhe Fatos Nanon, që ishte Kryeministër i asaj kohe… Mbas diskutimeve fillon kokteji edhe të ftuemit po pijnë edhe nga nji gotë… Në nji moment Fatos Nano, afrohet dhe pyet Paulinin:
-Ore Paulin! Sa revista dhe gazeta botohen sot në Shkodër?!”…
-Asnji për be… Zotni kryeministër!” – ja kthen Paulini, sepse me taman asnji nuk botohej në atë vit!…
-Mëkat! – i thotë Fatosi, – sepse kam lexuar se në Kohë të Zogut dilnin 18 revista dhe gazeta vetm në Shkodër?!”…
-Po mor zotni, njashtu asht e vërteta, njaq delshin… 18 revista e gazeta kanë dalë në Kohë të Zogut, por ajo ka kenë Koha e Zogut, sot asht Koha e Zogut të Kurvës!”…

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.