Bruksel, pllakë përkujtimore për Muharrem Bajraktarin

0
10
Muharrem Bajraktari (1894-1989)
Muharrem Bajraktari (1894-1989)
Muharrem Bajraktari (1894-1989)
Muharrem Bajraktari (1894-1989)

Bruksel, pllakë përkujtimore për Muharrem Bajraktarin

Në lagjen e Brukselit, ku protagonisti nacionalist i Luftës së Dytë Botërore, Muharrem Bajraktari jetoi për 25 vjet me radhë, e ku sot jetojnë mbi 5 mijë bashkatdhetarë të tij, Bashkia e Qytetit vendosi dje (27 prill 2014 sh.im j.r) një pllakë përkujtimore, në shenjë homazhi e respekti për këtë personazh të madh të historisë shqiptare.

25 vjet pas vdekjes, Muharrem Bajraktari u nderua në Bruksel me një pllakë përkujtimore. Duke i njohur kontributin si atdhetar e luftëtar kundër nazi-fashizmit e komunizmit, homazhet u zhvilluan në komunën e Skarbekut, ku ai jetoi gjatë viteve të mërgimit, nga viti 1964 deri në 1989, kur u nda nga jeta.

Skarbek - 27 prill 2014
Skarbek – 27 prill 2014

“Zoti Bajraktari ka jetuar në Skarbek në mërgim, meqenëse komunistët e detyruan të linte vendin e tij. Jetoi për 20 vjet këtu dhe vdiq në Skarbek, në gjirin e miqve të tij shqiptarë. Ai përfaqëson luftëtarin për lirinë, identitetin dhe kulturën e vendit të tij, dhe ne i ndajmë këto vlera. Liria dhe respekti për komunitetin e njerëzve, që vendosin për fatin dhe për atdheun e tyre, janë vlera të përbashkëta dhe, me respektin për këtë personazh të madh të historisë shqiptare, e të Skarbekut ku ai jetoi gjithashtu, ne i bëmë këtë homazh”, tha Bernard Clerfayt, kryetar i Komunës Skarbek.
Prej 50 vitesh, refugjatët që ikën nga Shqipëria u instaluan në Skarbek, si kolonel Bajraktari e shumë të tjerë dhe, për momentin, ka rreth 4-5 mijë qytetarë me origjinë shqiptare, që jetojnë në këtë komunë. “Them se, nëse Tirana është kryeqyteti i shqiptarëve në Shqipëri, Skarbeku është kryeqyteti i shqiptarëve në Belgjikë”.

Muharrem Bajraktari - Greqi 1948
Muharrem Bajraktari – Greqi 1948

Në ceremoninë përkujtimore ishin të pranishëm ambasadorët e Shqipërisë, Kosovës e Maqedonisë, përfaqësues të Kuvendit, Bashkisë së Kukësit dhe të komunitetit shqiptar në Belgjikë e Hollandë. Nga Shtetet e Bashkuara, ku ai emigroi pas rënies së komunizmit, që e internoi e burgosi për 45 vjet, i ftuar i posaçëm për këtë ceremoni në Bruksel ishte djali 80-vjeçar i kolonel Bajraktarit, Genci. “Kryetarit të Bashkisë i thashë anglisht ‘Thank you very much’ (Shumë faleminderit), për atë që keni bërë për babain tim e do jesh shumë i respektuar, jo vetëm ju si shtet për këtë demokraci që keni, por edhe ti si person. Ai m’u përgjigj duke më kapur dorën e më tha, “qenke djalë i babait”. Sigurisht që jam shumë i gëzuar dhe i emocionuar. Kurrë nuk e kam pritur këtë gjë, që një i huaj të vlerësohet në botën demokratike, tamam demokratike, sepse dhe në vendin tonë ka 24 vjet që është themeluar demokracia, por nuk është ende një demokraci e mirëfilltë”, tha Genc Bajraktari, djali i kolonel Bajraktarit.

Pllaka Perkujtimore e Muharrem Bajraktarit
Pllaka Perkujtimore e Muharrem Bajraktarit

“Shqipëria ka qenë gjithnjë një vend i shtrenjtë në zemrën tonë, pasi me iniciativën edhe të vet Muharrem Bajraktarit, por dhe të autoriteteve komunale të asaj periudhe, u bë e mundur vendosja e statujës së Skënderbeut në komunën tonë, siç e dini të gjithë. Me mirënjohje të përzemërt ndaj Sulejman e Ramadan Gjanës, si dhe këshilltarit tonë Burim Demiri, që morën iniciativën për gjithë proçedurat që duhen zbatuar, në mënyrë që homazhet në varrin e tij dhe kjo ceremoni të mbahej me sukses. Sot nuk i bëmë homazh thjesht dhe vetëm një heroi shqiptar, por një heroi të lirisë dhe të njerëzimit”, u shpreh Bernard Guillaume, nga Këshilli ekzekutiv komunal.
 Pllaka përkujtimore do të mbahet në ambientet e komunës Skarbek deri në 28 Nëntor, kur Këshilli komunal parashikon ta vendosë atë pranë statujës së Skënderbeut, në Bruksel. Ky shërbim i kushton 4000 euro komunës së Skarbek.
http://gazeta55.al  28 prill 2014

Related Images:

Artikulli paraprakDiana Spenser (1961-1997) – Vuajtja
Artikulli tjetërNdërron jetë studiuesi i pasionuar i shqipes – Prof.Dr. Shaban Demiraj
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.