Bab’ – nga Elida Rusta

0
11
Elida Rusta dhe i Ati...
Elida Rusta dhe i Ati...
Elida Rusta dhe i Ati...
Elida Rusta dhe i Ati…

Bab’

nga Elida Rusta

Ditë lulesh sot,
dielli pi ujë thá prej etit,
unë kpus veç lule për n’vorre.
e mundohem me qenë mirë,
tash edhe për ty.
.
Vshtirë m’i thánë shpirtit: Mos vajto!
Dhimbja ásht mbijetesë.
.
Báb’
Lulishtja jéme e errtë,
m’i shkule portat me gjithë rrezë,
e s’po muj me gjetë derën.
Po ty shpirt t’kam.
.
Ndihem n’faj pse s’të deshta má fort,
njerëzit gabojnë,
s’besojnë se fluturohet.
.
Falm’ o i bardhi jém!
A thue jam n’nji ándërr lojcake
e due çdo çast me dalë prej saj
e m’u zgjue saora?
.
Zgjohu báb’,
me m’vra vetminë.
.
Pasha ty, jam lumë i dekun!
Ti s’e din sa ta due praninë…
.
T’mblofsha me puthje,
u lafsha çdo të marte
në t’bekuemit lotë
derisa zogjtë t’më bájnë
fole mbi zemër.
.
Báb’
malli jém!
Të puthi n’dritë t’synit,
e kryet n’gjoks si shenjë faljeje.
.
Ngjas me ty,
pse bluej dhimbjen
deri n’kokrrizë të mbrame
krejt imët,
veç me vedi.
Sa mirë t’isha e pákujtesë,
s’kisha me pasë aq shumë vorre
mbrenda astareve të shpirtit.
.
Asht pranverë báb,
n’ktë stinë mësova m’u përqafë,
përcolla vllanë për kurbet.
Asht dielli ynë me rriska drite
fllad parajse ndër ne.
I ke mbet’ n’gjoks me thinjat tua.
.
Shko báb, shko!
na s’mujm me hikë prej teje!
Thirrmë prej shpati n’shpat:
Oooo ku je Lid’ Zeqirja bre,
a po t’bje për shtat bota?
.
Mbloj ofshámtë me tesha gzimi!
Jam aty me nurin e fundit
që pata për ju,
veç vendi i vorreve ndryshon.
Mjegulla asht e njëjta…
.
Prill 2020
 


 

Related Images:

Artikulli paraprakPandemia e murtajës së zezë në mesjetë nga Ilir Hashorva
Artikulli tjetërAtdheu dhe atdhedashuria në poezinë e Ndre Mjedës – sprovë nga Prof. Dr. Resmi Osmani
Jozef Radi
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.