10.5 C
Tirana
E shtunë, 2 Mars, 2024

Mbeshtet RadiandRadi

spot_img

11 mijë shqiptarë bashkë në koncertin e “Al Bano e Romina”, live në stadiumin “Qemal Stafa”, shtator 1989 – nga Vasilika Sherifaj

on

|

views

and

comments

Albano e Romina - Tirane, Shtator 1989
Albano e Romina – Tirane, Shtator 1989

11 mijë shqiptarë bashkë në koncertin e “Al Bano e Romina”,

live në stadiumin “Qemal Stafa”, shtator 1989

nga Vasilika Sherifaj

Isha në koncert edhe unë me shoqet e mia. Biletat i sollën në Ministri. Sekretaren e ministres e kisha shoqe dhe sigurova një biletë edhe për vëllanë. Asnjëherë nuk e kuptova pse u treguan aq bujarë me biletat!!! Sepse ndonjëherë ishte e vështirë të siguroje biletë edhe për në Teatrin Kombetar. Mbase, që të mos ndodhte gjë mbas koncertit. Ishim me fat se ishim përballë skenës. Diku te rreshti tretë. U kënaqem duke kënduar me sa zë kishim në kokë. Dihet! Këngët i kishim mësuar që kur kishim qënë në shkollë të mesme, te “Qemali”, përmes radios. Ndonjëherë tekstet e shkruara i ndanim me njeri-tjetrin. Nuk kishim censurë ne të klasës sonë. Gjërat i bënim kolektive dhe s’kishim frikë nga njeri- tjetri. Fare! As në mendje! Emocioni që më përshkonte ishte i jashtëzakonshëm, i papërsëritshëm. Dikur u kapëm të gjithë nga duart dhe shihnim njeri-tjetrin duke ulëritur e kënduar me zërin e shpirtit, “Liberta…” Kurrë s’i kishim dëgjuar më 11 mijë shqiptarë të këndojnë së bashku të intonuar si në koncertin e “Al Bano dhe Romina”, live në stadiumin “Qemal Stafa”, në shtator të vitit 1989…

Albano Carrisi - Tirane 1989
Albano Carrisi – Tirane 1989

Ishim pa përvojë, axhaminj, nuk ishin të përgatitur që atë uragan ta kthenim në protestë. Ne ishim brezi që ishim mësuar t’i bindeshim vijës së Partisë. Duhej edhe pak kohë që të piqej revolta dhe kundërshtimi brenda nesh. Ne ishim brezi që ishin rritur tre minuta larg sheshit Skënderbej. Me shkolla të mira, me privilegje, krahasuar jo vetëm me pjesën tjetër të Shqipërisë, për edhe me pjesën tjetër të Tiranës!
Ndonjëherë, kam menduar që regjimi e lejoi koncertit, sipas këshillës së ndonjë psikologu, që të shkarkohej energjia rinore!
Nuk e kam dëgjuar nga askush këtë, është thjesht deduksion.
Më vonë, sa herë i kthehem atij momenti, teksa e mendoj, them se: ne i këndonim ëndrrëes së lirisë, pa e ditur ende mirë se ç’ishte liria në thelb. E vetmja gjë që nuk mbaj mend mirë, janë mendimet që duhet të kishim mbas koncertit.

Albano e Romina - Sanrremo 1989
Albano e Romina – Sanrremo 1989

Kujtoj që rruga bri bllokut ishte në errësirë të plotë. Vetëm kaq. Unë banoja te “Myslym Shyri” dhe prindët na thanë: Koncerti dhe zërat e stadiumit që këndonte dëgjoheshin deri te shtepia… Mamaja më pyeti: “Po ç’u bë atje, ashtu?! Dëgjohej sikur këndonit këtu!!” Nuk e di a e kanë këtë kujtesë myslymshyrsit e tjerë!?!
Atë kohë, besoj, askush nuk ka pasur ndonjë pajisje për të incizuar jehonën e koncertit mbi Tiranë.
Sa herë e kam kujtuar më vonë këtë koncert them për nomeklaturën: “Gjithmonë e keqja është disa hapa para së mirës…” Ata e dinin ç’bënin! ne jo!
Duhej edhe pak kohë!
Kurse për Albanon dhe Rominën them: Ata kurrë nuk mund ta kuptonin se çfarë na mungonte ne???

“Liberta/ Quanto hai fatto piangere
Senza te/ Quanta solitudine
Fino a che/ avro un senso vivere
Io vivroooo per avere teeeee!

Marrë nga muri i FB i Kastriot Çipit, koment nga Vasilika Sherifaj

 

 

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.