Zef Gjeta (1913-1988) – Drejtori i parë i Zyrës Politike
nga Kastriot Dervishi
Kishte mbaruar gjimnazin e shtetit në Shkodër, si dhe kishte diplomën e maturitetit. Ishte drejtor i Zyrës Politike (kur kjo u nda nga personeli) në MPB më 18 mars 1942 – janar 1943.
Kur ra qeveria e Mustafa Krujës, shkoi në Shkodër, me detyrë inspektor i komunave në Shkodër, Kukës, Peshkopi, duke u ngarkuar në fund zëvendësisht kryetar i Bashkisë në Shkodër, pas vdekjes së kryetarit të mëparshëm, Loro Suma, (më 1944). Me vendosjen e regjimit komunist në Shqipëri arrestohet ndër të parët në vitin 1945 dhe dënohet me 20 vjet privim lirie, nga i cili lirohet në vitin 1959. Më vonë internohet për 10 vjet në Lushnjë, ku martohet me motrën e Pashko Gjeçit. Lirohet nga internimi në vitin 1968. Shkoi në Mirditë, ku jetoi derisa vdiq në vitin 1988, duke u varrosur në varret e të parëve, në Kishën e Fandit.
Myftar Brehamaj
Mbaj mend, kur isha fëmijë rreth moshës 14 – 15 vjeç, babai im punonte me zotin Zef Gjeta në Sektorin Savër të Lushnjes. Unë shkoja ndonjëherë e zëvendësoja tim et në punë. Më bënte përshtypje sjellja e këtij burri të kulturuar dhe shumë fisnik. Krijova një respekt të jashtëzakonshëm dhe më pas kam pyetur se ku shkoi. Tani e mora vesh se paska banuar në Mirditë në vendlindjen e tij. Pushoftë në paqe
Nikoll Prenga Tuci
E kam pasë kushri shumë të afërt, por djalli kuq shpërdau dhe syrgjynosi bashkëkombasit e vet vetëm pse nuk mujshin m’u ba urë e djajve të kuq! Kalova 24 vite në burgjet gjaksore. Respekte: U prehshin në paqe Bijtë dhe Bijat e kombit shqiptar.
Marrë nga muri i fb Kastriot Dervishi, 29.06.2026