back to top
19.5 C
Tirana
E premte, 29 Mars, 2024

Vrasja e Telinit (27 gusht 1923) dhe diskutimet në parlamentin shqiptar – nga Kastriot Dervishi

Gazeta

Vrasja e nje Gjenerali
Vrasja e nje Gjenerali

Dy dokumenta per General Tellinin

nga Kastriot Dervishi

Vrasja e Telinit (27 gusht 1923)

dhe diskutimet në parlamentin shqiptar

Më 27 gusht 1923, u vra kryetari i komisionit të kufijve, gjenerali italian. Kjo ngjarje u diskutua edhe në Këshillin Kombëtar (parlamenti) të Shqipërisë. Fillimisht foli kryeministri e më pas deputetët Luigj Gurakuqi, Hilë Mosi, Ali Këlcyra dhe Vissarion Xhuvani. 
Në shenjë respekti për emrin e Telinit, Këshilli Kombëtar i Shqipërisë ndaloi punimet për 24 orë. 
Kryeministri Ahmet Zogu mbajti këtë fjalim:
“Me hidhërim të madh po ju jap lajmin për një ngjarje të shëmtuar e tepër të poshtër që ka ndodhë në Greqi. Para tri ditëve, komisioni i kufijve, duke ardhur nga Janina në Gjirokastër, pati një rrezik, pse kryetari i këtij komisioni, gjenerali italian z. Telini, u vra bashkë me shokët e tij. Duke dalë prej Janine, i pari automobil ishte ai i komisionit shqiptar. I dyti i komisionit italian dhe i treti i atij grek. Mbas udhëtimit prej 54 km nga Janina, kur arritën në Zep, automobili i komisionit shqiptar kaloi këtë vend, ndërsa ai i komisionit italian ndalohet e vriten gjenerali, një major doktor, një toger adjutant, një ushtar, shoferi e një shqiptar. Pas kësaj ngjarjeje, kaloi komisioni i Greqisë pa pasur asnjë ngjarje, vijoi e shkoi në Gjirokastër. Përmbi këtë janë përhapur lajme të këqija, të cilat, qeveria e populli shqiptar i përgënjeshtrojnë e protestojmë rreptësisht pse në tokën shqiptare, në ato anë nuk ka asnjë bandë. Pos kësaj, z. gjeneral Telini ka qenë mik i popullit shqiptar dhe i ka përkrahë me paanësi të drejtat e tij. Qeveria e populli shqiptar kanë marrë pjesë në hidhërimin e madh që ka sot qeveria e populli italian”.

Marre nga muri i fb i Kastriot Dervishtit, 27 gusht 2021

Rruga General Tellini ne Gjirokastren e viteve 30
Rruga General Tellini ne Gjirokastren e viteve 30

Një rrugë në Gjirokastër, me emrin e Gjeneral Tellinit me 1937

Në vitin 1937,
Bashkia e Gjirokastrës emërtoi një rrugë të qytetit
me emrin e gjeneralit italian Telini. Kronika sipas shtypit të kohës.
.
Bashkia e Gjirokastrës pagëzoi një rrugë kryesore me emrin e të paharruarit General Enriko Tellini, që u sakrifikua pir të mbrojtur të drejtat shqiptare. Pagëzimi i kësaj rruge u bë në një ceremoni madhështore, në të cilën asistuan të tërë autoritetet civile, ushtarake, kleri dhe një shumicë e madhe populli, bashkë me nxënësit dhe nxënëset e shkollave. Në këtë ceremoni asistuan edhe mjaft personalitete italiane, të ftuara posaçërisht nga Bashkia, e cila shtroi atë ditë në sallën e saj edhe një buffet të pasur.
Zbulimi i pllakës u bë nga ana e zv. kryetarit të Bashkisë, z. kapiten Dedë Jakova, i cili në këtë rast mbajti një fjalim të shkurtër, po shumë të bukur.
Një fjalim të gjatë e të prekshëm, mbajti kolegu ynë z. Xhavat Kallajxhi, Drejtor i Gazetës “Demokratia”. Që të dy folësat theksuan shërbimet e mëdha të të vajtuarshmit Gjeneral Tellinit, emri i të cilit zë një kaptinë të ndritur në historinë e vendit tonë. Këtyre fjalimeve iu përgjigj z. Cavalier Toffolo, Konsulli i Italisë në Vlorë.
Në mbarim të fjalimeve, banda muzikore ekzekutoi Hymnet mbretërore e kombëtare të Italisë dhe Shqipërisë dhe u brohorit për të dy shtetet aleate dhe prijësit e tyre.
Pastaj u dërguan telegrame ne Familjen e General Tellinit e gjetke.
.
Marre nga muri i fb i Kastriot Dervishtit, 28 gusht 2021
.



Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.