Testamenti dhe paralajmërimi i krimit –
nga Shaip Beqiri
Fragmenti i bisedës ku Kasëm Trebeshina flet për gjestin e Naum Priftit për njërin nga dorëshkrimet që ishte gjykuar të digjej
-Domethënë juve nuk u janë djegur vetëm dorëshkrimet letrarë, por edhe dokumente të tjerë dëshmues. Herën e parë që biseduam për këtë nuk ju kujtohej emri i njërit nga anëtarët e atij komisioni të zi!
-Nuk është se ishte një aty. Ishin: Dalan Shapllo, Ruzhdi Pulaha, Bashkim Kuçuku, Fatmir Gjata, Resul Bedo, Moisi Zoloshnja, Llambro Ruci, Naum Prifti…
-Për këtë të fundit më keni thënë se e ka përshkruar njërin nga dorëshkrimet dhe jua ka kthyer më vonë.
-Po, është e vërtetë. Është dorëshkrimi që kritikon Mehmet Shehun në ’52. Naum Prifti e ka përshkruar nga frika se mund të zhdukej.
-Cila ishte ajo?
-Është drama “Ëndërr e përjetshme”. Ai mendoi që kjo është vepër unikale. Që të mos zhduket, që të mos digjet, e kopjoi tërë natën me dorë dhe e ruajti e ma solli. Unë e kisha kopjen tjetër, por e mbaj për kujtim të gjestit që bëri Naumi. [1992]
Nga libri “Mozaiku i mbuzuur”, botuar te “Faik Konica”, 2022, Prishtinë
Në foto: Kasëm Trebeshina me piktorin Llambi Blido (majtas) më 1968 në Durrës, miku i tij besnik, tek i cili kishte fshehur kopjet e dorëshkrimeve që u dogjën me aprovimin e kolegëve të tij.
Marrë nga Muri i FB Shaip Beqiri, 21 qershor 2025