Të jetë e vërtetë…?!
nga Petraq Kote
…lajmi prej jashtë kufinjëve të Republikës së Shqipërisë (Italia) se Jared Kushner, dhëndri i Donald Trump ka blerë ishullin e Sazanit për 1.4 miliard dollarë, është tronditës.
Cili ia shiti?
Ishulli është teritor i Republikës së Shqipërisë dhe pronë e gjithë popullit shqiptar, madje një pronë me rëndësi strategjike.
Nëse është vërtet i vërtetë, ky akt kryeministror përbën shkelje të rëndë e të hapur ligjore dhe vepër penale antikushtetuese.
Besoj të jetë më shumë scoop mediatik se sa një e vërtetë e jashtëmendshme.
Teritori i RSH është i patjetêrsueshëm dhe kufinjtë janë të paprekshëm.
(Ish Kushtetuta)
Territori i Republikës është i pandarë, i patjetërsueshëm dhe i paprekshëm; asnjë pjesë e tij nuk mund të shitet ose të humbas sovranitetin…
(Kushtetuta)
Shqipëria e nxjerë në shitje…! ku më parë u tentua t’ju jepej grekëve nëndeti i Sarandës.
Çfarë po ndodh?
Shqiptarë, nëse… zgjohuni dhe lerini ndarjet partiake, fetare, krahinore, Shqipëria është e të tërëve!
*Ishulli i Sazanit është ishulli më i madh i Shqipërisë. maja e tij më e lartë është 342 m. Ishulli i Sazanit ka sipërfaqe 5,7 km² dhe vijë bregdetare me gjatësi rreth 15 km.
@kotepetraq – Tiranë, 11 gusht 2025
Katerina Bushi
Zoti Petraq, është e saktë që Sazani dhe Zvërneci janë shitur dhe i ka blerë dhëndri i Trump-it, ata kanë reklamuar dhe projektin si do ndërtohet Sazani dhe ndoshta kanë filluar. Kush e shiti bëni pyetjen ju?! Po kush tjetër: zoti Rama këta të gjithë kush u bë K/Ministër kanë shitur pjesë të ndryshe të Shqipërisë dhe ne heshtim, ne mendojmë se me se do të marrim ilaçet që dha specialisti për pasojat e rrëzimit në rrugë apo shtëpi, apo ilaçet e mosfunksionimit apo infeksionit të veshkave apo ndonjë sëmundje tjetër si pasojë e Moshës ose nga kequshqimi. Pse budallenj janë këta?! Trajtimi me paga të ulta është i qëllimshëm të mos ushqyerit mirë të këput gjunjët nuk qëndron në këmbë. A të vete mendja për Shqipërinë kur fëmija të kërkon bukën, qumështin, e ti lufton për t’i siguruar ushqimin e fëmijës.
Shqipëtari duhet të zgjohet! Gjithë këta kryetarë partish që zihen e grihen me njëri-tjetrin të bashkohen dhe të kërkojnë llogari qeverisë, të ngrejnë popullin. Por jo këta kërkojnë një copë thelë për veten e tyre. Shqipëria është shitur si: vendburimet e naftës, minerat tani malet me nga 1 euro m2. Kur të marim vesh ne i ka dalë tymi dhe flaka.
Merita Ndreko
Greqia, që ka numër të pafund ishujsh, edhe kur u fundos ekonomikisht nuk shiti asnjë të vetëm!
Një shtet që e do dhe i shërben vetëm kombit dhe popullit të vet!
Trump e mori mandatin, sepse i premtoi amerikanëve: Amerika mbi të gjitha!
Sa për Ligjin dhe Kushtetutën ne kemi kohë që i mbajmë se duhen jo se i zbatojmë. Nuk është hera e parë.
Kush i ka ndaluar në këto dekada shtetarët tane qe t’i ndaloje tani?
Njerëzit thjesht marrin torbat në krahë dhe ikin me vrap duke e zbrazur e tharë gjakun e këtij vendi!
Marrë nga Muri i Petraq Kote, 11 gusht 2025