12.5 C
Tirana
E premte, 1 Mars, 2024

Mbeshtet RadiandRadi

spot_img

Takimin me Martinin e kish dasht secili prej nesh… – nga Naime Beqiraj

on

|

views

and

comments

Naime Beqiraj me Martin Camaj  - Gusht 1990
Naime Beqiraj me Martin Camaj – Gusht 1990

Takimin me Martinin e kish dasht secili prej nesh…

nga Naime Beqiraj

I gjatë, i bardhë, me lëkurë të hollë prej fisniku, ai dokej jo si autor, por si princ dal prej Dukagjinit të MbiShkodrës.
I shoqnuem prej zojës Erika Camaj dhe Anton Nikë Berishës, në pushim të seminarit, me shoqen teme Fatimen dhe vajzën e dajës Afërditën që kish ardh nga Franca, me ndrojtje pritsha me ja dhanë librin tem “Mbi Siparunt”. “Ti je Naimja që m’foli Antoni. Kam me e lexue librin. Shkruj e mos u ndal”.
Gazetare e “Botës së re”, studente e letërsisë, po e përcillsha në gushtin e vjetit 1990, Seminarin për Gjuhën Letërsinë dhe Kulturën Shqiptare. Nuk e nisha vetën të përgaditun me i ba nji intervistë. Ja shpreha dëshirën dhe shqetsimin prozatorit dhe studiuesit Antonit. “Sot të prezentoj”, m’tha Antoni e unë nuk besojsha që mujm me u taku me poetin që m’dukej si andërr.
N’Kosovë kish ardh mbas disa dekadave.
Nuk na ra me nejt gjatë. Folëm pak për poezinë që botohet n’Kosovë dhe u ndamë me u shkrue. Zoja Erika Camaj ma dha adrësën. M’dokej çast i pajetum. Ia kisha lexu disa prej librave por asni fjalë nuk mujta me ja thanë për veprën. “Kemi me u takue prap, Naime”.
M’dokej që duhet me nejt cuc para tina
Çfarë bekimi, me pas edhe fotografi.
Kujtesë që ndodhi 33 minuta e po zgjat 33 vjet
Falemnderit Martin!

 

Related Images:

Jozef Radi
Jozef Radihttps://www.radiandradi.com
Biografi Jozef Radi 16 janar 1957, lind rastësisht në qytetin e Elbasanit, mbasi të dy prindët e posadalë nga burgu ishin interrnuar në kampin e Kuçit të Kurveleshit... Ishte i vetmi fëmijë i të ashtuquajturit “Kampi i 100 Intelektualëve”... 1957, Pagëzohet me emrin Antonin, por xhaxhai i tij me të njejtin emër, e regjistron si Jozef... 1957-1961, ndjek fatin e prindërve në odisenë e kampeve: Radostinë, Gradishtë, Çermë dhe më së fundi n’atë të Savrës... 1963-1971, kryen shkollën fillore dhe tetëvjeçare në Karbunarë dhe Savër me rezultate shumë të mira... 1971-1975, ndjek gjimnazin “20 Tetori” në qytetin e Lushnjes, ku përjashtohet dy herë nga shkolla, thjesht si... i biri i Lazër Radit! 1975, frekuenton të njëjtën klasë me Gëzim Hajdarin dhe Shpend Sollakun: Tre të apasionuar të letërsisë; më vonë edhe autorë mjaft të njohur librash... 1975, fillon si puntor në fermën e Savrës 1977-1979, kryen shërbimin ushtarak në repartet e xhenjos, fortifikim në Dropull të Gjirokastrës... 1981, mbaron shkollën e mesme me rezultate të shkëlqyera dhe as bëhet fjalë për vazhdimin e ndonji shkolle të lartë... 1984, bën gjithë përpjekjet për botimin e librit të parë poetik “Trokitje”, por problemet e biografike... e pengojnë botimin edhe pse Shtëpia Botuese e kishte vlerësuar si... “të botueshëm...” 1984-1990, krahas punës së rëndë në bujqësi, studion intensivisht gjuhët e huaja; merret me përkthime, shkruan dhe redakton veprën e të atit... 1989, së bashku me të atin përkthejnë veprën “Stalini, Moxarti dhe Maria Judina” e poetit Bërkoviqit, e cila kalon dorë me dorë si vepër antidiktaturë... 1990, së bashku me të Atin, vendosen në Tiranë, prej ku nis nji fazë e re shprese dhe entusiazmi, se demokracia mund t’i riparojë pasojat e diktaturës... dhjetor 1990-31 mars 1991, ndjek nga afër lëvizjen dhe ndryshimet demokratike... mars 1991, boton për herë të parë, ciklin me 6 poezi në revistën arbëreshe “Katundi Ynë” në Kozenca. maj 1991, regjistrohet në fakultetin e Gjuhë- Letërsisë dhe më pas kalon në atë Juridik. 1993, botojnë së bashku me të atin librin e parë “Muret e Muzgut” si dhe poemën “Stalini, Mozarti dhe Maria Judina” 1993, nis botimin e revistës tremujore “Arbëria”, e cila del në tre numra... 1993-maj 1997, punon në detyra të ndryshme në Presidencën e Republikës. qershor 1994, mbaron Fakultetin Juridik qershor 1997, ngjarjet e atij viti ishin dëshmi e vrasjes së demokracisë... detyrohet të emigrojë në Itali. shtator 1998, humb të Atin, Lazër Radin, njeriun me të cilin kishte ndarë ditët më të vështira të jetës. 2000, boton librin e dytë poetik: “Kujtesa e Mjegullës” 2004-2005, mbulon për gati dy vjet rubrikën “Qiell i Përtejmë” në revistën “ars” 2007, boton me bashkaautorë albumin fotografik “Ancona nascosta” 2000-2010, bashkpunon me shokun e tij Gëzim Hajdari, në redaktim e veprës së tij të botuar në Itali 2011, boton librin e tretë poetik “Fletorja e Vjeshtës” 2000-2013, bashkëpunon vazhdimisht me shtypin shqiptar 2000-2013, përkthyen mjaft nga veprat e poetëve si: Ungaretti, Montale, Raboni, Senesi, Fatuiva, Pessoa, De Moraes, Hikmet etje, si dhe ka në duar veprën e Bodlerit “Lulet e së keqes” 2016, po përgatit për botim veprën e plotë të Lazër Radit në 14 vëllime... Jeton prej 16 vitesh në qytetin e Anconës...
Share this
Tags

I ke lexuar?

Kontesha Bengazina – nga Lazër Radi – Pjesë nga Libri “Vorbulla t’Jetës Universitare” (Roma)

 Nji prej historive ma të bukura studentore, të rrëfyeme mjeshtrisht prej Lazër Radit në librin autobiografik: “Vorbulla t'jetës Universitare”, ku ai me at sinqeritetin e tij...

Katalogimi i Veprës së Plotë të LAZËR RADIT

  Katalogimi i veprës së plotë të LAZËR RADI  Materiali që paraqesim asht nji bibliografi e thuejse krejt Veprës së Plotë të Dr. Lazër Radit, botue dhe...

Kujtimet e mia me At Zef Valentinin – nga librat e Lazër Radit

Kujtimet e mia me At Zef Valentinin nga librat e Lazër Radit Kanuni dhe teza e doktoraturës Mbasi mbylla llogarinë me Procedurën Civile, në mënyrën ma të...

Te rejat

More like this

1 Koment

  1. Prend Buzhala – Evokim i bukur!
    Po qe se do ta kishe shkruar në standardin e shqipes, këtij rrëfim-evokimi do t’i t’i zihej fryma, ajo fryma camjane e shkrimit… Respekte!

    Naime Beqiraj – Axhi Prend, i kam lexue shkrimet tueja për Camajn. Megjithe se e kam rilexu, ende asgja nuk arrita me shkru. Sa herë vendosi, disi m’kap njesia e t’lexumit e t’shijumit si art. Vepra e tina asht veç art

    Zudi Misimi – Respekt poete e nderuar, Naime Beqiraj është nder i veçantë për ju, që keni patur rastin me u fotografu me të madhin e kombit z. Martin Camaj… pa dyshim edhe ju jeni i atij rangut!! Zoti ju bekoftë!

    Naime Beqiraj – O Zuhdi, larg Martinit jemi na. Dalta e fjalës s’tij ishte e mprehtë

    Naime Beqiraj – Pse gurët dhe poetët nëpër botë
    I dashka të shpërndarë ky dhe i yni
    Zi nuk mbajmë, po kurrë mos qofsh e kotë
    Dhembje në Gur Martini (Azem Shkreli)

    Sylejman Shaqiri – “…Nuk e nisha vetën të përgaditun me i ba nji intervistë profesioniste paske qenë edhe si fillestare. Shkallë e lartë e përgjegjësisë…! Krenar me Ty!

    Naime Beqiraj – Drejtor, gazeta në të cilën punoja (Bota e re), arriti shifrën ne mbi 100.000 kopje asokohe pas ndalimit të Rilindjes, ndaj përgjëgjësia ishte e konsiderueshme. Kishte 7 vjet që publikoja dhe mësuesi im që më drejtoj për peshën e fjalës – Azem Shkreli thoshte se këtë peshë e kishte mësuar nga vetë Martini!

    Uk Lushi – Naime Beqiraj, më kujtohet kur foli në Sallën e Kuqe. Flokët e lëmojta të bardha. Setrën me stil, kravatë dhe këmishë të bardhë. Një zotni i vërtetë. Edhe sot mbaj mend si mundohesha ta internalizoja si ndihej pas dekadash mungesë në atë sallë, ku, qartas dhe tejdukshëm, e shihnin gati me adhurim. Prej atëherë kam pasë shumë mendime për të dhe veprën e jetën e tij. Në disa raste edhe dilema, por kurrë s’ kam pushuar ta konsideroj shkrimtarin ndër më zotërinjët shqiptarë. Fotoja jote më ringjalli nga ato ndjenja diku para 28-29 vitesh. Patjetër një suvenir special që e ke.

    Naime Beqiraj – Më kujtohet ajo ditë e fundgushtit 1990, në sallën e Kuqe. Më kujtohet edhe ligjërata e Martin Camajt. Më kujtohet edhe Ibrahim Rugova, Sabri Hamiti dhe një i tretë që dolën nga salla sa po e mbaroi ligjëratën Camaj. Disa reaguan se përse nuk i dëgjuan tri ligjëratat e albanologëve nga Shqipëria. Ç’të dëgjoje prej tyre, veçse gjëra të stërthëna e të ideologjizuara… Vërtetë bekim me e njoftë Martin Camajn, Sokratin e prozës, poezisë e të mendimit shqiptar

    Naime Beqiraj – 20 minuta që nuk harrohen!
    Pamja e tij, e folmja – ishin elegante si vepra që na la. Dy vjet e gjysë mbas ktij takimi, Martini ndrroj jetë
    Nuk kam pa burrë shqiptar mâ t’pashëm

    Riza Krasniqi – Ju lumtë Naime. Po kemi nevojë me na gëzue kështu me kujtime të paharueshme!

    Naime Beqiraj – Profesor Riza, ju si mik i afërt i Azem Shkrelit e dini të vërtetën.
    -Libri ‘Nji fyell nder male’ që mu dha dhuratë kur e kreva klasën me sukses të shkëlqyeshëm, me nxiti të merrem me poezi! Martini prej s’largu e krijoi një Azem Shkrel që u realizua po në ato koordinata
    Asht ‘Guri i Martinit’!

    Agim Bajrami – Foto shumë e bukur! Më i bukur mbetet kujtimi me nj’at princ t’arratisun t’letrave shqyp!

    Naime Beqiraj – Sa epitet të bukur! Princ… Antoni me tregon se si në Beograd ku studionte, studenteshat e quanin Sulltan!
    Aq bukuri e sharm kishte!

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Copy Protected by Chetan's WP-Copyprotect.