back to top
12.5 C
Tirana
E premte, 29 Mars, 2024

Si e mendoj unë situatën e sotme në Partinë Demokratike – nga Elona Caslli

Gazeta

Elona Caslli
Elona Caslli

Si e mendoj unë situatën e sotme në Partinë Demokratike

nga Elona Caslli

Çfarë mendoj unë?!
Po të përgjigjem ty mik i panjohur, e përmes teje shumë të tjerëve që më kanë shkruar për të njëjtën çështje.
Paraprakisht, më duhet të nënvizoj faktin se unë nuk jam pjesë e strukturave të Partisë Demokratike dhe njohuritë e mia mbi funksionimin e një partie janë pothuajse zero, ndaj këndvështrimi dhe gjykimi im mbetet në nivelin e optikës së jashtme, që Partinë Demokratike e ka parë si mekanizmin e vetëm ekzistues për të rrëzuar Rivdekjen Kombëtare dhe të dhënat treguan se ishte i vetmi mekanizëm dhe se utopitë e partive të vogla, ishin thjesht një mekanizëm për djegie votash.
Pyetjes: “A duhet të qëndrojë Lulëzim Basha apo jo” – do t’i përgjigjem me pyetjen – Si do ta ripropozojë veten Basha para shqiptarëve?!
Mesazh drejtuar Elona Casllit!
Mesazh drejtuar Elona Casllit!
E mbyllim për një çast çështjen Berisha dhe e dërgojmë Berishën në shtëpi.
Zhvendosemi në zgjedhjet lokale të vitit 2023.
Mbi ç’argument logjik duhet t’i besojnë kryetarit aktual votuesit?!
Sikundër e kam shprehur më parë, gjykimi im për Bashën shkon për qëndrimin e tij pas 25 prillit.
Pas 25 prillit, unë kam shkruar se nuk na nevojitet një hajdut më i madh se Edi Rama dhe se gjykimi im primar shkonte për Partinë-Shtet Rilindase.
Nga 25 prilli deri më sot çfarë është bërë konkretisht për denoncimin e Partisë-Shtet?!
Me gjithë dashamirësinë e skajshme në zgjedhjet vendore, si mund ta formulojë Basha kërkesën e tij për të pasur votat e shqiptarëve?!
25 prilli nuk shkaktoi veçse humbjen e opozitës, por shkaktoi një dramë akoma më të madhe: Vrau institucionin e votës.
E thënë shkurt një pjesë e mirë e shqiptarëve kanë bindjen se cilido qoftë vullneti i tyre i shprehur përmes votës, Partia-Shtet do ta deformojë këtë vullnet.
Kjo bindje do të bëjë që një pjesë e mirë e shqiptarëve ditën e zgjedhjeve nuk do të paraqitet në kutitë e votimit dhe ka gjasa që Basha të gjendet me shumë pak vota qoftë nga elektorati i djathtë, qoftë nga zona gri.
Bashës pashmangshmërisht do t’i bashkëngjitet hija e zgjedhjeve të vjedhura dhe të pambrojtura.
.
Kongresi i Partise Demokratike
Kongresi i Partise Demokratike
Tani të përqëndrohemi tek “Foltorja” apo tek Berisha.
Ti më pyet se ç’mendoj unë.
Unë mendoj se situata aktuale në Partinë Demokratike është kryekëput pasojë e heshtjes së stërzgjatur të Berishës.
Berisha duhet të kish folur kohë më parë dhe Partia Demokratike nuk do të kish përfunduar në këtë pikë, sikundër mendoj se heshtja e Berishës e provokoi këtë situatë, fjala e tij mund ta zhbëjë këtë të fundit.
E thënë shkurt, Berisha e bëri dhe Berisha është i vetmi që mund ta zhbëjë këtë situatë.
A është normale kjo?! Jo, aspak!! Por kjo është e vërteta dhe nëse i shmangemi së vërtetës gënjejmë veten për herë të dytë.
Berisha mund ta zhbëjë këtë situatë jo për historikun e tij në Partinë Demokratike, sa për faktin e të bërit opozitën e munguar të Bashës për plot tetë vite dhe këtu qëndron faji i Berishës: tek heshtja e stërzgjatur kundrejt Bashës dhe tek kompensimi opozitar për këtë të fundit.
Dhe në kontekstin e mosgënjyerit të vetes Berisha duhet të shihet kthjellët dhe ftohtë në të gjithë marrëdhënien e tij me Partinë Demokratike.
.
Dallgë të Kaltra!
Dallgë të Kaltra!
Dhe unë mund të lodhesha gjatë për të formuluar një vëzhgim të ftohtë dhe të kthjellët mbi këtë çështje, por po vendos të citoj mendimin e prof. Gëzim Xhepës, i cili shtrihet që nga viti 1990 e deri në mandatin e tretë aktual të Edi Ramës.
Prof. Xhepa shkruan: “Do isha për mbledhjen e Kuvendit të jashtëzakonshëm të Partisë Demokratike me kusht thyerjen përfundimtare të linjës autokratike të kryetarit të instaluar që në vitet ‘90, nëpërmjet një reflektimi të sinqertë të Doktorit për të gjitha problematikat në katapultimet e individëve dhe anashkalimit të bazës në 30 vite dhe reflektimit të anëtarësisë, e cila në aksion politik për konsolidimin dhe liberalizimin e Partisë Demokratike nuk mund të ngrihet duke fuqizuar kultin Berisha, por duke pranuar ndjesën e Doktorit dhe aksionin e tij të sinqertë për korrigjimin e gabimeve personale që e transformuan Partinë në grupim politik servil ndaj kryetarit!
Berisha duhet të pranojë se “Fenomeni Basha” nuk është aksident, por vijimësi 30 vjeçare e spektrit politik shqiptar…!
Të nderuar anëtarë, shpresa lind nëse në brohoritjet dhe energjitë tuaja nuk përqëndrohen te kulti Berisha, por te liria dhe demokracia e brendshme e Partisë, e munguar në 30 vite…!!!” – përfundon prof. Gëzim Xhepa.
.
Post Scriptum – Këtë mendoj mik, dhe shpresoj që shqiptarët t’i thërrasin arsyes e të marrin vendimet e duhura për të ardhmen e tyre.
.
Marre nga Muri i FB i Elona Casllit, 7 nentor 2021
.

 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.