Rilindja Kombëtare duhet të ringjallë përsëri Shqipërinë dhe shqiptarët edhe në Shekullin 21 – nga Artur Shkurti

Rilindja Kombëtare duhet të ringjallë përsëri
Shqipërinë dhe shqiptarët edhe në Shekullin 21
nga Artur Shkurti
Drejtor i shkollës “Udha e Shkronjave” 

“Shpëndra, hithra, ferra,
përsipër të kanë rënë,
dritën ta kanë zënë
me fletë shumë të gjera”
–Naim Frashëri–

Me rastin e vitit të ri urojmë që shqiptarët të gjejnë forcën për të pastruar gjakun që u është ndyrë nga karteli i partive politike që qeverisin për 35 vjet. Urojmë të pastrojnë gjakun me ujin e kulluar të mësimeve të Rilindjes Kombëtare që do t’u mësojnë karakterin dhe virtytet dhe do t’u japin zgjidhjet, metodat, vizionin, guximin. Nuk janë shumë larg mësimet e tyre. Librat e rilindasve janë në biblioteka familjare, në bibioteka të qytetit, të shkollave, në bibliotekën kombëtare, por ato libra duhen marrë, duhen lexuar, e mësuar, duhen kuptuar. Dikush ka punuar që ato të shpërfillen dhe ai dikush është Sistemi Arsimor Shqiptar që është vegël e shtetit që ka synime të tilla të ulta dhe bëjnë “sikur nuk e kanë mendjen aty”.
Listën “e rilindasve” “antikombëtarë” më poshtë do ta shtonim edhe me ato që bëjnë sikur nuk e kanë mendjen që janë Partia Demokratike, udhëhequr nga Sali Berisha, Partia e Lirisë, udhëhequr nga Ilir Meta dhe e shoqja, apo me Partinë Mundësia të Agron Shehaj që bëjnë sikur nuk kuptojnë dhe ndihmojnë në mjegullnajë. Por sigurisht niveli më i lartë i ndikimit negativ është tek këta që kemi në poster. Kujtojmë që Kuvendi i Shqipërisë (e majtë e djathtë) ka miratuar ligje kundër Rilindjes Kombëtare dhe në unison shpërfillin Rilindjen Kombëtare dhe rilindasit. U shpërfill Naim Frashëri (që iu hoq Urdhri “Naim Frashëri), u shpërfill Pashko Vasa (në 200 vjetor) u shpërfill Gjergj Fishta në 85 vjetorin e vdekjes (më 30 dhjetor 2025).

Megjithëse ua provuam dhe kërkuam zyrtarisht që Kuvendi të hetonte Shpërfilljen e Rilindjes Kombëtare dhe dëmtimin e Naim Frashërit, ata nuk reaguan.
Sistemi edukativ shqiptar e ka mesazhin simbolik të fuqishëm në flamurin kombëtar. Kjo do të thotë që sistemi edukativ si ai formal, ashtu edhe ai i familjes, apo i shoqërisë shqiptare, në tërësi, duhet të duan unitetin e Veriut me Jugun, të toskëve me gegët, sintezën e shenjtërisë së krishterë dhe shenjtërisë muslimane, sintezën e qytetërimit perëndimor dhe atij lindor, të së djathtës me të majtën, dhe veç në këtë mënyrë ta bëjnë të ardhmen e tyre, duke rritur mirëqënien e rracës së tyre, të krijojnë familje e fise të shëndosha, duke luftuar varfërinë, që diferencat e pasurisë të jenë të vogla dhe kombi të ecë me një hap, me një dëshirë, me një qëllim. Nuk ka udhë tjetër! Dhe mundet! … nëse shkollat, familjet, mediat, institucionet mësohen/edukohen dhe edukojnë në këtë mënyrë kombëtare, jashtë konkurencës, jashtë dëshirave konvertuese që synon përçarjen fetare, krahinore, klasore deri dhe gjinore!
“Udha e Shkronjave”

Related Images: