Qeveria duhet të promovojë kulturën dhe të drejtat e tyre,
të mbështesë dhe të ruajë traditat e tyre dhe jo t’i rrënojë ato…
nga Viktor Mark Daragjati
Në lidhje me krizën e Thethit, Sali Berisha tha: “Veprimi i Ramës në Theth nuk është çmenduri, por një qëllim i menduar mirë, bazuar në urrejtjen e tij patologjike kundër…” shqiptarizmit.
Kriza e vazhdueshme e shkaktuar nga Rama, i cili synon të shpronësojë tokat në rajonin turistik të Thethit, ka nxjerrë në pah një të metë të randë të regjimit socialist shqiptar: mungesën e respektit për kulturën, zakonet dhe traditat kombëtare.
Kanuni, i vetmi ligj i vlefshëm në rajonin e Thethit, mbizotëron. Qeveria humbi të drejtën e rendit atje pasi nuk lëvizi për më shumë se tre dekada. Pasardhës të fiseve të lashta ilire, populli gegë, e kanë ruajtur trashëgiminë e tyre mijëvjeçarë, përmes sakrificës dhe luftës heroike kundër serbëve, osmanëve dhe, për çdo kohë, kundër marksizmit. Ata i rezistuan sundimit osman për pesë shekuj, duke ruajtur me vendosmëri vlerat dhe zakonet e tyre. Ata u përballën me trimëri me dominimin e huaj dhe dekadat e tiranisë marksiste të brendshme.
Duke jetuar në malet e mbuluara me borë, ata ndanin një patriotizëm të përbashkët, respekt për vlerat njerëzore dhe një Kod Nderi identik me atë të Keltëve dhe Japonezëve.
Tirana nuk ka bazën historike për të vendosur mbi pronësinë e tokave në rajonet malore të Shkodrës dhe Dukagjinit. Pronësia e asaj toke është e rrënjosur në shekuj trashëgimie që përfshijnë qindra breza. Pra, Tirana nuk ka të drejtë të konfiskojë toka historike ku, për shekuj me radhë, i vetmi ligj legjitim ishte Kanuni. Qeveria e Tiranës sot buron nga padrejtësitë komuniste dhe postkomuniste që nuk i njohin të drejtat e njeriut, teaditat ezakonet shqiptare.
Enveri, Ramizi dhe Rama janë përpjekur të shkatërrojnë vlerat e popullit gegë, duke i detyruar ata të pranojnë sundimin e imponuar nga një ideologji e huaj serbo-ruse. Pronësia e tokës së të parëve është pjesë integrale e identitetit gegë dhe është një e drejtë e patjetërsueshme njerëzore. Sundimtarët armiqësorë kanë konfiskuar, rishpërndarë, vjedhur, korruptuar dhe kriminalizuar tokat gege dhe tani synojnë të pushtojnë fortesat e tyre të fundit në malet alpine të Shkodrës, Dukagjinit, Malësisë së Madhe dhe Mirditës me qëllim zhdukjen e identitetit gegë.
Pas shekujsh pushtimi osman e dekada përndjekje komuniste, e korrupcion neokomunist i vetmi rregull që ka një qëndrim te pakorruptuem në rajonin e Thethit dhe më gjerë, në Veri është Kanuni. Kanuni është vazhdimi i lashtë i ligjit fisnor autokton shqiptar, i bazuar në një Kod Nderi, i legjitimuar nga shekuj vazhdimësie historike dhe respekt për të drejtat e njeriut.
Tirana duhet të njohë autonominë shekullore të Malësisë dhe të respektojë të drejtat e popullit vendas duke harmonizuar ligjet e saj të lashta me të drejtat e demokracisë. Një Kushtetutë legjitime do ta kërkonte këtë.
Qëndrimi i Ramës kundër të drejtave themelore të njeriut, veçanërisht të drejtës për pronësi të trashëgueshme të tokës, është një nga komponentët e spastrimit etnik, së bashku me diskriminimin social dhe ekonomik dhe armiqësinë politike. As osmanët dhe as marksizmi nuk mundën ta fshinin identitetin geg.
Shqipëria meriton një kuadër ligjor që mbron të drejtat e njeriut pa shtrëngim arbitrar apo forcë mohuese. Shkatërrimi i vazhdueshëm i vendbanimeve lokale nga Rama, është një akt lufte që na kujton djegien e shembjen nga mercenarët turq, mongolë dhe aziatikë, të cilët kërkuan të zhduknin kulturën dhe identitetin Shqiptar, duke shkatërruar fshatrat dhe duke e zhdukur popullsinë krishtere.
Kjo duhet të ndalet!
Jashtë Bashkimit Evropian, Shqipëria mbetet nën kontrollin e minidiktatorëve neokomunistë që shpërfillin historinë shekullore, e trajtojnë ligjin si një mjet personal për t’iu përshtatur tekave të tyre dhe i japin përparësi lakmisë mbi nderin, hajdutërisë para ligjit. Ky vend ka institucionalizuar kriminalitetin, duke uzurpuar çdo copëz të mbetur të një kuadri ligjor. Ashtu e preferon Rama vendin tonë.
Pushtimi i Thethit nga Rama është veçanërisht alarmues, duke pasur parasysh vlerën e re tregtare të rajonit për shkak të turizmit alpin. Historikisht një zonë e varfër, Thethi ishte një bastion i identitetit stërgjyshor shqiptar. Veprimet e Ramës kërcënojnë të prishin këtë rëndësi historike krenare.
Rama kërkon të zbatojë në mënyrë retroaktive efektet e ligjit jokushtetues 7501, në tokat e Thethit. Përpara se të miratoheshin këto ligje arbitrare dhe përçarëse me bazë komuniste, ekzistonte Kanuni, i cili solli rend dhe stabilitet në zonë për shekuj me radhë pa nevojën e ndërhyrjes së Tiranës.
Në thelb, ndërsa Kanuni historik nuk zbatohet në sistemin ligjor modern, ai duhet të respektohet dhe mbrohet si një aspekt i kulturës tradicionale kombëtare.
Të drejtat kulturore të popullit autokton, duke përfshirë traditat, zakonet dhe praktikat e tyre unike si dhe të drejtën e tyre për trashëgimi, duhet të respektohen në të gjithë Shqipërinë, veçanërisht në Theth!
Qeveria shqiptare duhet të njohë dhe mbrojë të drejtat kulturore të gegnisë, të cilët janë banorët origjinalë mijavjeçarë të këtyre zonave malore të Shqipërisë veriore. Ajo duhet të promovojë kulturën dhe të drejtat e tyre, të mbështesë dhe të ruajë traditat e tyre, duke përfshirë gjuhën, vallet dhe muzikën e tyre. Mbi të gjitha, ajo duhet të mbështesë të drejtat e tyre njerëzore, duke përfshirë të drejtën për pronë të trashëguar.
*Fotoshpjegim: E postoj këtë foto të këtij zotnie (pa lejen e tij), për të dëshmue se ky është tranzicioni i stërzgjatë i 35 vite pseudo-demokraci; jo për politikë por ky është realiteti i sotëm. Në këtë vend u sekuestrua prona me ligj, u dha prona me ligjin 7501, sot prishet prona dhe u jepet investitorëve strategjikë etj…
Marrë nga ermal ulqinaku