back to top
19.5 C
Tirana
E premte, 29 Mars, 2024

Populli i rrogës… s’e do lirinë! – refleksion nga Jozef Radi

Gazeta

Jozef Radi - 2010
Jozef Radi – 2010

Populli i rrogës… s’e do lirinë!

refleksion nga Jozef Radi

Na kena jetue për nji kohë të tejet të gjatë si popull i rrogës…
Për na, shteti ishte shpërndamës i punës, i bukës dhe i jetës për çdo qytetar. Kjo mënyrë jetese për nji gjysë shekulli na shndrroi krejt si bashksi në nji popull skllav ndaj shtetit aq sa sot asht disi e vshtirë me na çmësue…
Na, për gati nji gjysë shekulli nuk dijmë nji ditë të kena punue për vedi. Tue mos punue njeriu për vedi, me kohë e humbet edhe respektin ndaj vlerave të vedit po edhe ndaj punës njiherit… Na kena funksionue si robën t’nji rroge që ishte e kalkulueme (bashkë me dozën e vjedhjes mbrenda) në kufijtë ma ekstremë të mbijetesës… Për kët rrogë mendonte shteti, i cili kishte mbrritë me krijue elemente astronomikë jo me vëzhgue hyjtë, po me na vëzhgue në tasin e kaçamakut që aj t’mos ishte njaq i vogël sa me dekë unit, e të mos ishte njaq i madh sa me e shpërfillë shtetin. Tue qenë të lumtun pse s’mujshim me dekë unit, mundeshim me e shtue ndoj kashatë buke, tue i ba shërbime të zeza pushtetit për “të pabindunit”, tue u ushqye ksisojit përgjat nji gjyse shekulli, ma shumë me rrena se me bukë. E kështu kena jetue e mbijetue n’kufijtë ma ekstremë të unit e n’tehun ma të mprehtë të dekës, tue shkue gjithnji thellë e ma thellë drejt fundit, po pa e prekë fundit…
Na nuk e duem lirinë!
Na ende sot duem nji rrogë shteti n’këmbim të lirisë, që ai t’vazhdojë me na poshtnue e me na “pshtue uni”, nji rrogë që mundena me e pritë me orë të tana n’rradhë me e marrë si t’ishte dhurim. Na nuk mundena me jetue ndryshe, veçse n’fqinjsi me nënshtrimin e paftyrsinë, pse veç kështu, na mundena me dekë të lumtun e me bindje patriotike ndaj nji shteti që s’ka me hjekë kurrë dorë prej trajektores ngjitse e krimit, ndaj qytetarve të vet…
Na mundena edhe me dekë heroikisht unit, mjaft që mos me vdekë të lirë…!!!
janar 2009

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.