“Patriotët” kriminelë
nga Ergen Alia
“Patriotët” që me anë të Jugosllavisë e Rusisë krijuen Partinë Komuniste – do të ishin fillimi i kalvarit të vuajtjeve për shqiptarët.
Enver Hoxha
Ishte kryekrimineli i këtij organizimi. Lufta e tij nuk ishte për çlirim, por për pushtet ku nëpërmjet krimit e terrorit do të qëndronte në pushtet për mbi 50 vjet.
Kadri Hazbiu
Një “patriot” kriminel, i akuzuem për shumë krime ndaj popullsisë civile dhe për djegien e Sinës në Dibër. Për këto krime do ta paguente me jetën e tij, duke u shpallë agjent e tradhtar nga vetë partia që e ndihmoi me ardhë në pushtet nëpërmjet dhunës e krimit.
Shefqet Peçi
Një tjetër “patriot” kriminel, përgjegjës për pushkatimin e 21 civilëve te Kroi i Bardhë në Buzëmadhë të Kukësit. Një kriminel i pamëshirshëm e i etun për gjakun e vllaut. Për krimet e kryeme ndaj popullsisë civile u dënue për krime lufte.
Haxhi Lleshi
Në Dibër kreu krime lufte dhe dogji mbi 400 shtëpi, shpeshherë me njerëz mbrenda. Krimet e tij vazhduen përgjatë gjithë 50 viteve të qëndrimit në pushtet.
Ramiz Alia
Së bashku me Rrahman Parllakun, Gafurr Çuçin e Shefqet Peçin këta “patriotë” kriminelë janë përgjegjës për Masakrën e Tivarit dhe për dorëzimin e ushtarëve të Shaban Polluzhës te partizanët jugosllavë, duke e dijtë fatin e tyne. E jo vetëm mëkatet e tyne vazhduen gjatë gjithë viteve të sundimit me dhunë e terror
Dali Ndreu
Së bashku me partizanë maqedonas e bullgarë ishte përgjegjës për djegien e mbi 400 shtëpive në Dibër (Fushë-Alie), bashkë me Haxhi Lleshin, Demir Gashin, Myslym Shyrin etj. Ashtu siç ishte paralajmëru me mbështetjen e komunizmit do të përfundonte në litar dhe ashtu ndodhi: u akuzue si agjent i huej.
Liri Gega
Me urdhën të Enver Hoxhës vrau pas shpine Mustafa Gjinishin në Peshkopi. Ashtu si mafia që vret rivalët, ashtu vepronin edhe komunistët – duke vra njeni-tjetrin.
Do të pushkatohej nga regjimi që vetë ndihmoi me e sjellë në pushtet – si agjente e huej.
Koçi Xoxe
Një teneqexhi pa dije juridike që u ba gjyqtar i jetëve njerëzore. Mori pjesë në gjyqet famëkeqe ku dënoi me vdekje nacionalistë e intelektualë të kombit.
Më vonë do të dënohej nga i njëjti regjim si spiun i Jugosllavisë
Bedri Spahiu
Një pseudo-prokuror që me dorën e tij dënoi ajkën e kombit mbi fakte të fabrikueme nga regjimi komunist.
Beqir Balluku
Krimet e tij gjatë e mbas luftës janë të shumta. Do të dënohej me vdekje nga regjimi që vetë ndihmoi me ardhë në pushtet nëpërmjet krimit.
U shpall agjent e tradhtar nga partia e tij.
Petrit Dume
I mbijetoi regjimit me servilizëm, por mbi korriz mbante vrasje të njerëzve të pafajshëm gjatë luftës, të kryeme nga Brigada e Hakmarrjes nën udhëheqjen e tij.
Miladin Popoviç & Dushan Mugosha
Dy të dërguemit e Titos, përgjegjës për krijimin e Partisë Komuniste në Shqipni.
Nën urdhnat e tyne u zhvillue lufta civile në vend-me qëllimin e qartë me futë shqiptarët në nji luftë vëllavrasëse.
Me urdhnat e këshillat e tyne vepronte Enver Hoxha.
Mehmet Shehu
Përgjegjës për mijëra krime në Veri e në Jug të vendit.
Me dorën e tij vrau 67 nacionalistë në Lushnjë, me urdhën të Miladinit, vetëm pse refuzuen me iu bashkue komunistëve (citoj: “derra bahemi e komunist jo”).
Është përgjegjës edhe për vrasjen e patriotit Prenk Cali. Do të akuzohej si agjent i huej e tradhtar dhe do të kryente vetëvrasje me dy plumba.
Marrë nga Muri i FB nga Ergen Alia, 20 maj 2026