Njoftim për pajisjen me kartën e re të anëtarësisë së LSHA
Lidhja e Shkrimtarëve dhe Artistëve të Shqipërisë
Nr. 1 – Prot.
Tiranë, më 21.05.2026
Lidhja e Shkrimtarëve dhe Artistëve të Shqipërisë, bazuar në Statutin e LSHA-së dhe në vendimet e Kuvendit të Shtatë të Riorganizimit të Lidhjes së Shkrimtarëve dhe Artistëve të Shqipërisë, mbajtur më 19 maj 2026 në Tiranë, njofton fillimin e procesit të pajisjes së anëtarësisë me kartat e reja të anëtarësimit.
Të gjithë shkrimtarët dhe artistët shqiptarë, kudo që jetojnë, brenda dhe jashtë Shqipërisë, për t’u pajisur me kartën e re të anëtarësisë, duhet të dërgojnë në adresën elektronike të LSHA-së: lidhjashqiptare2026@gmail.com
Këto dokumente:
1.Curriculum Vitae (CV) të autorit, ku të pasqyrohen të dhënat biografike dhe krijuese, si dhe të renditen veprat e krijuara, botuara, të ekspozuara, të interpretuara, të përkthyera, pjesëmarrjet në festivale, konkurse, aktivitete artistike e letrare, si dhe vlerësimet apo çmimet e fituara;
2.Një fotografi personale në format dokumenti;
3.Adresën e email-it, numrin e telefonit dhe adresën e vendbanimit.
Dokumentacioni do të shqyrtohet nga strukturat përkatëse të LSHA-së, në përputhje me Statutin dhe rregulloret e organizatës.
Bashkëpunimi dhe mbështetja juaj e ndihmojnë ringritjen institucionale dhe funksionalizimin e rregullt të Lidhjes së Shkrimtarëve dhe Artistëve të Shqipërisë.
Me shumë respekt,
Kryetari i Lidhjes së Shkrimtarëve dhe Artistëve të Shqipërisë
Dr. Mujë Buçpapaj 21 maj 2026
