 - mostjetërsim i bregdetit (20 m nga vija e baticës) - transparencë- projekte zhvillimore në përputhje me mjedisin - pushtetarët që kanë tjetërsuar në kundërshtim me ligji pronën shtetërore të përgjigjen para drejtësisë dhe t’iu konfiskohet gjithçka.){kind=link}
Një reflektim i shkurtër mbi betonizimin e bregut të detit
nga Blerta Kraja
Ngjarjet e fundit, që kanë mbushur kupën e abuzimit me pushtetin dhe kanë ngritur në majë zemërimin popullor me arbitraritetin e ndarjes së pasurisë së patjetërsueshme shtetërore dhe me lejimin e përdorimit të saj në kundërshtim me ligjësitë e natyrës, na ftojnë në reflektim në disa aspekte:
1.Çështja e kthimit të pronës te pronarët e vërtetë është parësore, nuk mund të dalë asnjë “kokëministër” ta ndajë atdheun llokma-llokma, sikur ia ka lënë i ati.
2.Respektimi i ligjësive të natyrës, për zhvillimin e aktiviteteve në përputhje me nivelin e mbrojtjes është parësor për të sotmen dhe për brezat e ardhshëm.
3.Ka një hartë të pasurisë së patjetërsueshme shtetërore nga Derdhja e Bunës e deri në Kepin e Stillos, pasuri që nuk mund të ndahej as me ligjin nr. 7501, as me ndonjë mjeshtër të fallsifikimit e të kthimit të pronave, te pronarët e sajuar dhe as me ligjin famëkeq të investimeve klienteliste.
4.Mungesë e theksuar e transparencës dhe e shpalljes për konsultim të projekteve të zhvillimit.
5.Tashmë s’ka më kthim pas. Kësaj klase politike, që e kalëron këtë popull tash 30 e kusur vite i ka dalë boja dhe zullumi, që ka prodhuar vetë, ka për ta mbytur, le t’i lënë teoritë konspirative me piratë e armiq, se na shkrinë gazit.
Kthim prone te pronarët e vërtetë (nëse ka) – mostjetërsim i bregdetit (20 m nga vija e baticës) – transparencë- projekte zhvillimore në përputhje me mjedisin – pushtetarët që kanë tjetërsuar në kundërshtim me ligji pronën shtetërore të përgjigjen para drejtësisë dhe t’iu konfiskohet gjithçka.
(Harta më poshtë është thjesht ilustruese)