Një ditë duhet t’ua lëshojme vendin tjerëve…
nga Rudina Lohja Kurti
Sot, që pas 2012, takova për herë të parë Teftën (Tefta Radin)… M’u duk e vetmuar në Shqipëri. Ndërsa në Australi ka djalin me familje… Në Shqipëri pothuajse askënd!
Atje larg kishte bërë një libër për Frankon, dokumentar e disa artikuj.
Grua zonjë… e lindur zonjë…
Disa të tjera bëhen rrugës, disa të tjera nuk bëhen kurrë.
Kur erdha në shtëpi u kujtova se kisha një foto me Tefta Radin. Foto e bërë në mbarim të një darke që e organizoi me sponsor, Mjeshtri i Gjithë Gjërave të Mira: Dëfrim Methasani
Atë kohë dolëm në pension unë, Xhelil Aliu,Vladimir Grillo,Tefta Radi dhe Ingj. Lirim Mulosmani.
Drejtoria e RTSh nuk bëri asnjë takim lamtumire… ndërsa Dëfrimi, organizoi një mbrëmje nderi për ne, të ashtuquajturit pensionistë, që do të largoheshim nga zyrat e TVSh, studiove të montazhit, studiove të mëdha dhe do t’i zhyteshim me kokë shtëpive, pazarit me çmime të lira, ambulancave, spitaleve dhe
Fundi fundit vjen një ditë që të tjerëve duhet t’ua lëshosh vendin, që pensionet tona të merren e ndoshta dhe të rriten…
*Në foto: Vladimir Grillo, Bajram Hoxha (lart) Tefta Radi, Viola Mazi Grillo (lart) Rudina Lohja Kurti, Nevzat Kurti (lart) Xhelil Aliu, Arta Aliu(lart) Lirim Mulosmani, (lart) znj. Mulosmani.
Marrë nga muri i FB Rudina Lohja Kurti, 8 shkurt 2025
E nderuar Rudina Lohja Kurti.
Statusi yt më preku shumë dhe më ngacmoi pozitivisht, për ta kthyer këtë përgjigje. Ndihem i lumtur që atë darkë jua rezervova së bashku me Bajramin, jo thjesht 5 kolegëve dhe miqve të RTSH, Tefta Radi, Vladimir Grillo, Xhelil Aliu, Rudina Lohja dhe Lirim Mulosmani, por edhe 5 vlerave të Televizionin Publik Shqiptar, në ekranin e të cilit secili nga ju bëri historinë e tij. Ladi na iku për fat të keq, ndërsa ju jeni këtu. Dua t’ju mbledh sërish. Ndaj duke patur dhe Teftën këtu, që këtë javë, ju pres të rimblidhemi.
Respekt dhe mirënjohje! Dëfrim Methasani