Nënat, emër, fjale, krijesa mbi të cilën nuk mund të kesh pushtet veç detyrime!
nga Selami Zalli
Mallkimi (nëma) e nënës ngjet, por më shumë se gjithçka bën dëm, dëshpërimi e thyerja e zemrës së babës.
E desha, ndoqa e nuk e braktisa në të keq nënën, gjithmonë isha në anën e babës, që ende më mungon, atë e mundi koha dhe perversët e pushtetit (qen e kurva) i quante Ai.
Na ishte një grua NZ, person e personazh, që Sigurimi i Shtetit, gjaksit dhe OZNA i kishin vrarë babën, target i tyre dhe budallikut të vet mbeti përjetë. Rekordmen në ndjekje, hetim intensiv (37 muaj birucë) në numër raportimesh e procesesh, me të gjitha tendencat e afatet si; “dispozitat e floririt, akte terrori, agjitacion, grupe dhe agjente e mundëshme e zbulimit jugosllav”.
Të gjitha këto nga bartësit, derivatet e sipërmarrjet e tyre (të sigurimit) zgjatimit të UDB-së, nga rrethet në Tiranë, deri tek “Enveri inë”.
Në finish, Ajo u dënua për “përvetësim të pasurisë socialiste” në një vlerë 23.000 lekë, dëm i zëvendësuar me një dënim antihuman për një grua, nënë e 7 fëmijëve, në një gjykim “model”, me pranininë e forcave speciale (Rep. 326), terror në qytet e kinema… siç dinin vetëm ata!!
Edhe unë jam i bindur se kishte përfituar, por jo aq, ndoshta edhe më shumë, por “big bratheri” (sherlokholmësit) organet e drejtësisë e diktaturës nuk e provuan, e bindën publikun e justifikuan vendimin “në emër të popullit”.
Ajo ndoshta ka bërë shumë të “këqija”, por nderet i ka me provë e nuk përmenden. Të vetmet ndera për familjen; nuk e ka mbyllur derën me ferrë, nuk ka pranuar akuzën, nuk ka kërkuar mëshirë dhe mbi të gjitha bashkëpunimin me Sigurimin, kjo përbën, kapak floriri.
Kjo e fundit mbeti kulmi dhe thelbi i inatit, urrejtjes, egërsisë e kafshërisë. E keqje që nuk ju del ende sigurimsave e pinjollëve.
Qelbësirat kanë bërë gjithçka, kanë fshehur e asgjësuar dokumente, por njerëzit kanë kujtesë, dëshmitë e protagonistëve mbi trajtimin e torturat. Por pa faj nuk jemi edhe ne që në asnjë rast nuk ua bëmë verë njerëzve tanë, ani pse nuk i mohuam e braktisëm.
Kriminelët nëpër dokumente kanë asgjësuar provat për krimet e dështimet, kanë lënë përbaltjen, fatmirësisht me emër e nënshkrim, ku më tipiku, një kryetar dege, më pas Drejtor i Sigurimit në Ministri, maskara me damkë, i materializuar në krijimtari letrare nga Neshat Tozaj, si imoral e partner me një evgjit në origjinë e shpirt ekuivalent, i diskutuar si udbash e vasal i tyre.
Një burrë me përmasa 120 cm nga toka, që vetëm në Tropojë mund t’i begatohej me një djalë 2 m të gjatë… gjë të cilën ja kanë bërë të ditur tropojanët në situatë e kushte izolimi e “arrestit të fshehtë”, por sa vlerë ka për maskarenj…?!
Në Tropojë, nuk ishte dhe as është e vështirë të rezistosh, nëse njerëzit të besojnë dhe të duan. Ne kurrë nuk na braktisën, e në çdo rast na mbrojtën e suportuan.
Tropoja është pus i thellë, që kurrë nuk i merret fundi, të jep atë për çfarë bëhesh e meriton.
Komunistët, spiunët, oficerët e sigurimit, prokurorët, gjyqtarët e familjarët e tyre kanë “marrë” jo vjedhur nga pasuria socialiste (as sot nuk vjedhin, ata shkelin barazi në tendera për frymën e shenjtë), kanë vrarë e kurvëruar, ama edhe vendalinjtë nuk u kanë lënë gjë mangut… (vend me meshkuj të bukur, trima e vital… plot ngjarje, data, emra e shembëlltyra) mbi bazën e parimit; “kush tenton të punoj parcellën e huaj, të tijën ja punojnë të tjerët, pak më shumë”, kthimet janë në progres gjeometrik, sipas një perifrazimi të Fishtës për malësorët.
Vërtet ashtu ishte koha, por më të zinjtë e të ndyrët kanë hyrë në histori e do kujtohen brez pas brezi, Kopi Nika, Sulejman Abazi, Kozma Turtulli, Neshat Mulla, Njazi Hamzaraj, Luan Muho, Bashkim Nebiu, Pal Hajdari, disa legena të vegjël e të mjerë të tipit e nivelit Kiqo, Kaqi, Koqo e Aleko edhe shumë të tjerë, kush më pak e kush më shumë, të gjithë monstra, pa nivel, kulturë e karakter, kanibalë (kafshë) me fytyrë njeriu.
I kam njohur, tani edhe e di mirë. Jam i gatshëm e mirëpres të gjithë sigurimin dhe sigurimsat të provojnë të kundërtën dhe ato që kanë shkruar e lënë nëpër dosje këta horra të pa moral e të pa nder.
Kush nuk ka pengje, borxhe e varësi nga Sigurimi dhe UDB-ja të tregojë historinë e tij, të bashkuar të demaskojnë këto qelbësira, antishqiptarë e antihumanë, që vazhdojnë e bëjnë karshillëk e keqpërdorin viktimat e tyre të mjera, pa kurajo e të pazonja të heqin prangat, zvarranikë patologjikë.
Marrë nga muri i FB, Selami Zalli 12 prill 2026