back to top
16.5 C
Tirana
E enjte, 28 Mars, 2024

Mbi jetën dhe veprën e Sami Repishtit – revista Kuqezi

Gazeta

Prof. Sami Repishti (1925)
Prof. Sami Repishti (1925)

Mbi jetën dhe veprën e Sami Repishtit

Marrë nga revista Kuqezi

Lindi në Shkodër më 6 prill 1925.
I ati Hafiz Ibrahimi, figurë me autoritet në shoqërinë shkodrane të asaj kohe dhe më pas deputet në Kuvendin Kombëtar.
Më 1942, mbaron maturën, i del bursa pӫr nӫ Fakultetin e Historisë në Firence. Mӫ 1943 i ndodh nji fatkeqsi e madhe. Policia fashiste ia arreston t’atin se paskej strehuar nji nip të tij me ide komuniste. Në burg keqtrajtohet e vdes prej torturave më 29 shtator 1943.
Kështu Samiut i bie barra me mbajtë familjen. Me marrjen e pushtetit nga komunistët, punon në Sektorin e Ndërtimit.
Ndërkohë krijon një Organizatë të Rinisë Demokratike e shpërdan trakte kundër regjimit. Arrin t’i dorëzojë nji memorandum nji deputeti anglez që kishte vizituar Shkodrën. Por Sigurimi e ndiqte dhe më 22 maj 1946, arrestohet dhe mbyllet në qelitë e burgut. Për 14 muaj, Samiu, pasi iu nënshtruar hetimeve intensive, del ne gjyq e dënohet me 15 vjet heqje lirie, Më 28 nëntor 1947 dërgohet në Burgun e Madh, dhe më tej në kampin e Vloçishtit, e në Beden të Kavajës më 1948. Mbas kampit të punës së detyruar në Orman Pojan të Korçës, Samiu rikthehet në burgun e Shkodrës, në nëntor 1949.
Mbas daljes nga burgu mӫ 1956, e venë si pastrues të barit të keq në stadium. Pastaj e caktojnë të punojë në kanalizimin e tokave të Qendrës Zooteknike. Kështu e gjeti edhe viti 1956. Më vonë punoi si ndihmës karpentier deri në ditën e arratisjes, mӫ 22 gusht 1959. Në Jugosllavi, në qershor 196i, përfundon në kampin e refugjatëve të Gerovës në Kroaci.
Më 1 shtator 1961, arratiset nga kampi i Gerovës dhe vendoset në Itali. Mbas nji qëndrimi gjashtëmujor në kampet e Kapua-s dhe Latina-s, pranë Napolit dhe Romës, mbas shumë vuajtjesh, më 9 prill 1962, emigron për në ShBA. Merr pjesë në takimin e pesëdhjetë vjetorit të “Vatrës”, ku dhe takon mikun e të atit në periudhën e opozitarizmit, Imzot Nolin. Fiton qytetarinë (citizenship) amerikane më 1968. Doktoron pranë Departamentit të Frëngjishtes në City University of New York (1977). Për 25 vjet me rradhë, ka dhënë mësim në college-t amerikane. Ka qenë kryetar i Departamentit të Gjuhëve të Huaja, për shkollat e qytetit Malverne, Neë York, Koordinator i programit për studime të avancuara, Lice-University, Adelphy, Garden City, NY, 1976-1991, dhe po aty pedagog i jashtëm. Udhëtimin e vetëm në Kosovën e çliruar e bëri në prillin e 2000. është autor i më shumë se 100 studimeve e artikujve me tema shqiptare dhe të Drejtat e Njeriut. Tematika e tyre, përfshin kryesisht vuajtjet e shqiptarëve në ish-Jugosllavi e çamët, të botuar në shtypin amerikan dhe shqiptar.
Intelektuali erudit Prof. Repishti, ka qenë koordinator për ish-Jugosllavinë e Shqipërinë pranë Amnesty International në ShBA, për periudhën e vitëve 1979-1982. Është i pari shqiptaro-amerikan, që ka dëshmuar para Kongresit Amerikan për Kosovën në prill të vitit 1965, dhe ka vijuar me dëshmi të shumta para komisioneve kongresiane e qendrave studimore amerikane, kryesisht për problemin kosovar.
Në vitin 1968, formoi organizatën “Rinia Shqiptare Kosovare në Botën e Lirë”.
Në nëntor 1982, me organizuan Konferencën Ndërkombëtare për Kosovën me pjesëmarrjen e 14 profesorëve europianë dhe amerikanë, duke i bërë edhe peticion Pjesëtarit të Parlamentit Europian Otto von Habsburg. Punimet e Konferencës janë botuar në librin “Studies on Kosova” (C.U.P.1984).
Në vitin 1978, shoqërinë “Kosova Relief Fund, USA, Inc.” për ndihmë financiare familjeve të persekutuara në Kosovë, fondacion të cilit i qëndroi në krye gjer më 2000. Për më se dhjetë vjet ka mbajtur rubrikën mbi Kosovën për gazetën Dielli. Në vitin 1986, kërkoi hapjen e Zyrës Amerikane në Prishtinë, që u realizua me sukses në vitin 1996, dhe atë kosovar në ëashington, që u aprovua nga Presidenti i 46-të i ShBA-së Mr. William Jeferson Clinton (1993).
Është bashkthemelues i Lidhjes Qytetare Shqiptaro-Amerikane (1986) dhe drejtor ekzekutiv (1989-1992), bashkthemelues i American Friends of Albania e sekretar/arkëtar i saj (1992-1996), bashkthemelues i Këshillit Kombëtar Shqiptaro-Amerikan (NAAC 1996) dhe president i parë (1996-1998) – grupi i lobimit më me ndikim në Washington D.C. Kjo një përmbledhje e jetës dhe veprimtarisӫ së Prof. Repishtit, qӫ e njohu mbi krrizin e tij dhe te familjës, dhunën e terrorin komunist.
Pati fatin të shpëtoje nga ajo sketerrë dhe të gjejë në lirinë e fituar të gjithë mundësitë për të arritë nji shkallë të lartë intelektualizmi, dhe t’i kushtohet me gjitha forcat e tij çeshtjes kombëtare, ku në plan të parë ishte Kosova. Sot në moshën 90 vjeç, ai nuk pushon së punuari dhe ne i urojmë të vazhdojë akoma për shumë vjet nӫ punën e tij të palodhun.

Presidenti Rugova dhe Prof. Sami Repishti 1993
Presidenti Rugova dhe Prof. Sami Repishti 1993

Honors and Awards – Nderime dhe Vleresime.

1*Departmental Honors (frëngjisht) Queens College (1964),C.U.N.Y.
2*W, Wilson Fellowship;f inalist (1965) W.W.Foundatiom, Columbia University
3*Bourse d’etudes du Gouvernement français(1970). Bursist Qeveria franceze
4*Pllake mirënjohje aktivitet për të Drejtat e Njeriut; A-A National. Org (1988);
5*Distinktive e KOASH në Amerikë, veprimtari për të drejtat e njeriut”(1988);
6*Kandidat çmimin YAVNER, N.Y.S.”arsimtar i dalluem: te drejtat e njeriut”
7*“Fighter for Democracy” Dhuratë – Picture Frame (Bill, e Hillary Clinton (1992)
8* “Medalje e Artë: Pishtar i Demokracisë” Presidenti, Republika Shqipërisë(1992);
9*“Urdheri Naim Frashëri, Klasi i I” Presidenti i Republikës së Shqiperisë(1995);
10*“Certifikatë Mirënjohje: Hapja e Zyrës Informative Amerikane në Prishtinë” (1996)
11*Mirënjohje në Kongresin Amerikan me rastin e 75 vjetorit të lindjes (2000)
12*“Medalje e Artë” Lidhja Shqiptare e Prizrenit” Presidenti I. Rugova (2003)
13*Pllakë Mirënjohje për themelimin dhe presidencën e N.A.A.Council(2004)
14*NAAC Nomination for “2006 White House  – Presidential Service Award“(2006)
15*Certifikatë – Anëtar Nderi Instituti Mbarkombëtar “Alb-shkenca” (2007);
16*Fletë Mirënjohje: Kontribut të Veçantë  Bashkësisë Shqiptaro-Amerikane,
17*President, Borough of Manhattan, NYC) 2008)
18* “Rruga Sami Repishti” Mirënjohje, Bashkia Shkodër(2010). (Sami Repishti St.)
19*“Nderi i Diasporës” kontribut në çeshtjen kombëtare, Forumi Sh-A. për Demokraci (2012)
20*“Dekoratë Mirënjohje”- Shoqata Çame” e të tjera…

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.