 nga Korça, që ishte pjestare e Brigadës të I-rë të Mehmet Shehut, me detyrën informatore.Kush ka qenë kjo vajzë me emrin Antoneta Mici?Nëse dikush ka dijeni se cili ishte fati apo kariera e saj pas Luftës, do të ishte me shumë interes ta mësojmë.){kind=link}
Kush ishte korçarja – Antoneta Mici?
nga Klodi Stralla
Aleksandër Cangonja është një miku im virtual, me banim në Durrës, i cili poston shpesh materiale arkivore origjinale, sidomos nga ato të periudhës të Luftes. Njëra prej tyre është edhe kjo që po e sjell në këtë status dhe që ka lidhje me Korçën.
Bëhet fjalë për një vajzë të re 16 vjeçare (dokumenti thotë studente) nga Korça, që ishte pjestare e Brigadës të I-rë të Mehmet Shehut, me detyrën informatore.
Kush ka qenë kjo vajzë me emrin Antoneta Mici?
Nëse dikush ka dijeni se cili ishte fati apo kariera e saj pas Luftës, do të ishte me shumë interes ta mësojmë.
Për efekt leximi më të mirë po e sjell përmbajtjen e dokumentit të plotë (në foto është origjinali):
Ministrisë të P. të Brendëshme
(Zyrës politike) – Tiranë
Qark-Komanda e Gjandarmarisë Korçës na lajmëron se në datën 10.03.1944, organet e Gjandarmërisë të qytetit të Korçë, kanë arrestue si të dyshimtë vajzën, Antoneta Mici, e bija e Ilias, vjeç 16, studente, e lindur dhe banuese në lagja Mano, në Korçë.
Në hetimet e banuna rreth dyshimit të saj ka rezultuar se e përmenduna ma parë ka ba pjesë në Brigadën e I-rë të partizanëve dhe ka qenë si informatore aktive e Komandantit të Brigadës Mehmet Shehu.
Më datën 30 shtator të vitit të kaluem, ditën e festës të Bajramit të Madh, me dhelpërinë e saj ka mashtrue dhe dorëzue tradhëtisht në duart e partizanëve, përmbi spitalin ushtarak të Tiranës, tetarin e Gjandarmërisë, Lytfi Myrtezanë dhe kushuririn e tij Avni Mullën, nga katundi Vërlen i Bilishtit.
Të dy të përmendurit mbasi janë arrestuar prej partizanëve janë dërguar në katundin Fravesh të Tiranës e mbasi tetari i përmendun asht cilësue prej tyre si anti-komunist, vetë Dushani e ka ekzekutue me torturat më të tmershme.
Në këtë kohë e përmenduna Antoneta duke qenë prezent ka marrë cigaren e ndezur që kish Dushani në gojë dhe i ka djeg tetarit bebet e syve.
Mbas kësaj Avni Mulla, megjithëse ishte i pafajshëm, por mbasi asistoi në torturat, u ekzekutua me urdhnin e Dushanit, pse dyshonin se po të lihej i lirë do të tregonte terrorin që ata bënë.
Vajza Antoneta ndodhet e burgosun në dispozicion të Prefekturës të Korçës.
Komandanti i Gjandarmarisë
Kolonel, Hysni Dema
Marrë nga muri i FB Klodi Stralla, 27 maj 2026