Kur Frida Kahlo martohej me Diego Riverën…
21 gusht 1929
Ajo ishte e imët, njëzet e dy vjeç kur bashkoi jetën me të, një burrë gjigant, shumë i shëndoshe, dyzet e tre vjeç, i divorcuar dhe komunist.
Festa u zhvillua në një shtëpi në Coyoacán në pronësi të një shoqeje të rëndësishme të çiftit: Tina Modotti.
Për habinë e të gjithëve, pjata kryesore e banketit: “Nishani i zi” nga Oaxaca u përgatit nga Lupe Marín, e cila ishte ish-bashkëshortja e Diego-s, protagoniste në disa skandale, për shkak të xhelozisë së saj.
Përveç “nishanit të zi” , kishte një sërë pjatash meksikane për të kënaqur shijet e të ftuarve: speca djegës të mbushur, pozole, oriz, kapirotada dhe torta e dasmës… për të pirë kishte: pulque dhe tekila e në mungesë… lëng frutash.
E ëma e nuses zemërthyer, kishte bërë gjithçka për ta shmangur atë dasmë. Ajo kishte bërë aq shumë përpjekje për edukimin e vajzës së saj, mbasi ajo ishte aq katolike kurse dhëndri aq ateist dhe aq me keq… ishte edhe komunist.
Oh Zot! Demoni kishte hyrë në shtëpinë e saj!
Babai i nuses e ngushëlloi gruan e tij duke e bërë të kuptonte se nuk ishte aq keq…
Së bashku ata u larguan herët nga festa.
Natën vonë, Lupe Marín iu afrua nuses, ia ngriti fundin e saj dhe i tregoi këmbët duke bërtitur, duke tërhequr vëmendjen e gjithë të ftuarve: “Shikojini këta shkopinj? Këto janë ato që Diego ka tani në vend të shalëëve të mia!
Nusja e gjorë, vrapoi të fshihej nga qeshjet tallëse dhe pasthirrmat e pakëndshme të të ftuarve që kishin parë këmbën e saj të djathtë të “dobët” nga poliomieliti.
Kjo ishte edhe festa martesore e Magdalena Carmen Frida Kahlo y Calderón dhe Diego María de la Concepción Juan Nepomuceno Estanislao de la Rivera Barrientos Acosta y Rodríguez…
E ndodhur 96 vite më parë…
Marrë nga Muri i FB Saimir Kadiu, 21 korrik 2025