back to top
16.5 C
Tirana
E enjte, 28 Mars, 2024

Konakut t’vjetër… – poezi nga Vjollca Keqi

Gazeta

 

Vjollca Keqi
Vjollca Keqi

Konakut t’vjetër…

poezi nga Vjollca Keqi

I mora odat nji e ka nji,
muret e mykuna i preka me qetsi,
lahutën e gjyshit mbi forum e lash’,
t’çartun telash, me dhimbje e pash’.

Arkën e paj’s, nan’s ja l’mova,
prej mallit t’saj, kapakun e çova,
xhubletën e nusnis’, teja e kish brì,
kutia e duhanit ish njaty përbrì.

N’nji qoshe pash djepin, që t’tanve na rriti,
e preka mallshëm, shpirti më shndriti,
sa breza jen rritë, në djepin prej druni,
tash bosh e i çartun, t’that e përkundi.

E çelsin ja vuna, konakut të vjetër…
M’fal, nuk deshta… po s’pata rrug’ tjetër,
shpinën ta ktheva, mytun n’lot malli,
ulë n’prag t’ders, gulçova prej halli.

I laga lulet n’oborr, me lot’t e shpirtit,
luleboret, karajfilat, erë i mora drandofilit,
Hatri ju lutem, o lule mos t’iu mbesë,
se zemra eme s’ju qet n’harresë.

Eca kadalë me valixhen përdore,
kujtimet e jetës e zana fmijnore,
që m’thrrasin t’përlotun, rrugën me ma zan’,
Ktheju, Mos ik… mos ik!
Trullin e t’parve, kujt don me ja lanë??

E portën e hekurt e mbylla kadal’,
kërcitja e saj, e zhurmshme, e randë,
si gjama e shpirtit që vendit don me dal’,
Konakun e vjetër… Kujt don me ja lan’??

Vjollca Fran Keqi, Janar 2022
Michigan USA…

Marrë nga Pro Gegnishtes, 29 janar 2022

.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.