Green city dhe Smart City i Boerit…
nga Doriana Musai
Stefano Boeri ka projektuar disa vepra ne Tiranë, ku me brutalja është “Tirana Riverside Masterplan”, projekt i cili shpërnguli me dhunë njerëzit, u shëmbi shtëpitë, i nxorri në rrugë të madhe mbas 30 vitesh, si banorë të 5 Majit.
Operacion atëkohe (4 vjet e gjysëm më parë) i udhëhequr nga Erion Veliaj me retorikën se “ishin ilegale”, banesat e tyre “ishin pa leje”, dhe se plani Boeri do ta sillte qytetin inteligjent (Smart) me jeshillëk (Green), i vetëqendrueshëm. (Self-sustainable) dhe se do të strehonte të dëmtuarit nga tërmeti.
Po rezultoi se: Green City dhe Smart City i Boerit u përdorën për të maskuar spastrimin e zonës; Tërmeti u përdor si justifikim për ta vënë në punë këtë axhendë të paracaktuar. Plani u përdor si mjet kontrolli politik i qeverisë dhe bashkisë duke imponuar interesat e tyre; Retorika estetike u përdor në vend të etikës së planifikimit; arkitektura u vu në përdorim të politikës si instrument për të hapur territore për ndërtime spekulative dhe për të shpërngulur njerëzit me forcën e dhunës.
Tre nga katër njerëzit e përfshirë në këtë projekt sot janë nën akuzë ose nën hetim penal:
-Arben Ahmetaj – në arrati me akuza penale nga SPAK
-Erjon Veliaj – në qeli me akuza penale nga SPAK
-Stefano Boeri nën hetim penal në Itali për të dytën herë.
Rastit i dedikova disa muaj punë për ta prezantuar në një publik ndërkombëtar të planifikuesve europianë, në kongresin e AESOP në Stamboll, ku në veçanti planfikuesit nga Milano dhe Torino ishin më të interesuarit për ta dëgjuar.
Artikull i plotë do të botohet sëshpejti!
Marrë nga Muri i FB, Doriana Musai 18 korrik 2025