Gënjeshtar dhe mashtrues i pafytyrë
nga Adriatik Riza Dosti
Ky është realisht kryeministri i sotëm i Shqipërisë, Edi Rama.
As skuqet e as zverdhet, por edhe që as zbardhet e as nxihet.
Nuk po shtoj… edhe vulgar, banal, hajdut, delirant, inatçor, i pabesë, hakmarrës, me fjalor rrugaçëror, arrogant etj. etj. se po i hyre hollë-hollë biografisë së tij personale (por edhe familjare) nuk mbaron dot as për një javë…
…Dështimet e skandalet e tija janë spektakolare, për të cilat vetëm një popull si i yni mund të heshtë kësisoj dhe vetëm një i papërgjegjshëm mendor si Rama – kryeministër do të thoshte: S’di gjë unë, nuk është përgjegjësia ime, s’i kontrolloj dot ata që hanë kumbulla e dardha pas shpinës sime, përgjegjësia është “individuale” e jo kolektive, fajin e kanë Saliu dhe Opozita! etj etj…
Katër vjet më parë në Opinion tek Faqeziu Fevzi u tha shqiptarëve se: “Dy janë objektivat e mija madhore e të panegociueshme për të cilat nëse nuk i realizoj shqiptarët duhet të më fajësojnë mua dhe vetëm mua e askënd tjetër, legalizimet falas dhe uji i pijshëm”(???)
E ku jemi sot?
Shiheni në rrjet videon në fjalë dhe… No comment.
Dështime e skandale pa fund në shërbimin shëndetsor, në reformën arsimore, në reformën në drejtësi, në sigurinë kombëtare, në polici, në politikën e jashtme, në shpopullimin e vendit, në vjedhje e korrupsion pa fund, të zhytur në krim, drogë, tradhëti e prostitucion… tashmë të ngritura në pushtet…
Politikë antishqiptare kudo, degjenerim total, përdorim personal politik e abuzim me Administratën shteterore, – hajni e krim bashkë… ulur në të njëjtën karrige pushteti… dhe një Shqipëri që po shkon dita-ditës dëshpërimisht drejt Greminës… e sigurisht edhe një pjesë jo e vogël populli që duke e votuar e rivotuar Ramën e që duke ndenjur “larg bythës sime” po djeg e përvëlon bythën e të gjithëve!
Aeroporti i Kukësit kthehet e përfundon ne Park Voltaik…
Stadiumi i Kukësit kthehet në objekt muzeal…
Tuneli i Llogarasë ose vrima e Belës siç ka filluar ta quajë populli me të drejtë kalohet frikshëm e si frëngu – pulën…
Rruga e Arbërit që kushtoi e vodhi miliona dhe u inaguruar nja tre herë nga Rama – Bela më së shumti bllokohet nga shembjet e shumta dhe cilësia e dobët e ndërtimit se sa kalohet normalisht.
Aeroporti i Vlorës i inaguruar deri më tani nja 2 herë… sipas specialistëve shqiptarë e të huaj të ambjentalizmit, florës e faunës… pritet (larg qoftë) të shndërrohet në burim aksidentesh të frikëshme ajrore për shkak të llojit e numrit të madh të shpendëve që jetojnë në atë rajon atje e që sot për sot vazhdojnë të mbeten një problem i madh e i pazgjidhur për industrinë gjigande të fluturimeve ajrore në krejt botën.
Kush po i paguan milionat e dy anijeve “energji prodhuese” nga Bangladeshi që i sollën në Vlorë… Kimetja – Rama e Bela e ku po kalben e s’u ndezën kurrë as edhe një orë të vetme, di gje ti o popull apo ç’deshe thuaj.
Rruga e sapoinauguruar (për herë të 3) Qukës – Qafë Plloçë… ka frikshëm dobësi e mangësi të shumta teknike… kthesa pa fund e mungesë sinjalistike e mbrojtje… Çka minimalisht do të thotë që në Dimrin e ftohtë me borë e ngrica të asaj zone “rruga e re” dhe e trumbetuar me zhurmë si sukses e arritje e madhe prej Ramë – Ballukut të kthehet në një tragjedi e mallkim prej shqiptarëve.
Nuk po flas për Inceneratorët inegzistentë ku u vodhën miliona euro, as për Portin arab të Durrësit… as për Lungomaret e Edvinit që u ngjajnë Plakave lyer me buzëkuq… as për Butrintin e Apolloninë e shitur… e as per Ksamilin e Dhërmiun strategjik të Rama – Manes… e sigurisht as për Sazanin e Karaburunin e dhëndrit të Trump… e as për krye-skandalin Rama – McGonigal e sigurisht as edhe për vëllazërinë shqiptaro – serbe të siamezëve Rama – Vuçiç – thikë pas shpine veçmas ndaj Kosovës.
Dhe ky “kingu ynë” që mendon ditë – natë për Kopështe luksi brenda kryeministrisë e ku pi verë 33 mijë dollare shishja… per Satelitë, për Akademi barinjsh e deri edhe për pistë miliona dollarëshe të Formula 1 në Elbasan…
Jo për gjë o shqiptarë, por bëmat e poshtërsitë e tij janë e bëhen aq shumë sa do t’u duket se jetoni kot në një lloj Shqipërie që vetëm e juaja tashmë de facto e de jure… nuk është më… sepse ju qofshi që ende nuk e kuptoni se Rama e Bela dhe banda e tyre kriminale e antishqiptare prej vitesh në pushtet… që nesër në mëngjes janë të gatshëm të çajnë ferrën e tu lënë faturat në duar… ose siç thotë populli… “kopilin në derë”.
Sepse kur një popull që i shkon nga pas kësisoj të marri… atëhere me siguri absolute ai lloj populli është më i çmendur se edhe vetë i çmenduri që ka në krye ndaj dhe përfundimisht ai popull ka vdekur për së gjalli…
A. R. D