! Shoqnia Bashkimi 1899){kind=link}
Fretnit Shqyptarë
Poezi nga Dom Aleksandër (Lekë) Sirdani
Me zhgun i veshun, në litár i njeshun,
E kambësh i zdathun e në buzë i qeshun,
Âsht frati i dashtun – frati shqyptár
Krejt në zêmër ár.
Në qelí të përvujtë e kalon jetën,
E me pendesa e mundon vehten,
Nuk âsht për veti, për tjerë unjí
Të tanë dashtuní.
Oh! jo në plogtí nuk i shkon dita!
Janë fretnit t’onë porsi petrita,
N’uratë e msime u kalon moti
Te robi e Zoti.
Kto flakë për fé, për atme flakë,
Të përvujtë e t’ambël, edhe idhnakë
Kundra anmiqve fretnit shqyptárë
Janë të rrebtë ajár.
Nën hije të paqta rritun të kuvendit,
Kan’ në loçkë të zêmrës balçmin e shendit,
Janë të tanë vllazën me dashtní njitun,
Lakmí me të qitun.
E veprat e tyne porsi rrathë árit
Shkëlxejnë e ndrisin sŷve shqyptarit,
Janë porsi rreze qi në qiell lshon hana
Në hapsina të gjana.
Lumní i apin fésë e atdheut,
Të rrebtë fatosa e burra të dheut:
S’e topitë penda kundërshtare
Kët çetë luftare.
Ndër lule të zgiedhuna po më ndalet sŷni
Mbi At Gjergj Fishtën poet i yni,
Qi ushqej e rriti në Lahutë të Malsís
Shkndín e lirísë.
Vjollcë e përvujtë me ambëlcí
Dhe At Vinçenci për bukurí,
Tue lujtun harpën për mote të larta
Dha vepra t’árta.
Shkrimtár i vlershëm Patër Antoni,
Din si â burrnija, si âsht zakoni:
Me daltë me i gdhênun dó në shpírt të shqyptarit
Me shkrojla árit.
E At Justini me të madhe imtí
Tue ‘himun shqypes në mâ të thelltin gjí,
Na mson m’e njoftun kët shqype nânë,
Me Orë e Zânë.
Si heroina e si kreshniku
Te At Marini, i madh besniku,
Shkëlxejnë e ndrisin në dritë të historís
Burra të Shqypnís.
Në folklore i njoftun, Atë Bernardini,
Mbledhë lule të bukra kah Dukagjini
Si bletë e censhme punon përherë
Ky frat me vlerë.
E tjerë sa uji qi ka fretnija,
N’urtí të pikatun edhe kah dija:
M’ e shkrimun vehten të tanë janë pëërbé
Për Atme e Fé.
Oh! mure shêjte, ledhe kreshnike!
Mbi çdo banesa jeni fisnike,
Sa të ndrisin dielli mbi kët Shqypní,
U kjoftë lumní!
Bogë, Dukagjin 01, 01, 1937
-Shkrue prej Dom Aleksandër Sirdanit me rastin e 75 vjetorit të Kuvendit të G’juhadolit (Shkodër)! Shoqnia Bashkimi 1899