back to top
8.5 C
Tirana
E premte, 29 Mars, 2024

Feja në shërbim të vëllazërimit dhe atdheut… – nga Jozef Radi

Gazeta

Vinçenc Prennushi (1885-1949)
Vinçenc Prennushi (1885-1949)

Feja në shërbim të vëllazërimit dhe atdheut…

nga Jozef Radi

Në Durrës perkujtohen dy martirë të demokracisë

Në teatrin “Aleksandër Moisiu” u kujtuan shëmbëlltyrat e Atë Vinçenc Prennushit dhe Mustafa Efendi Varoshit.
Në këtë titull, në sfond të një flamuri të madh, ku spikaste shqiponja dykrenare, ditën e premte mbasdite, në teatrin “A. Moisiu” në Durrës, në prani të qindra qytetarëve, u bë dekorimi “Martirë të Demokracisë”, i dy figurave të nderuara të fesë, At Vinçenc Prennushi dhe Mustafa Efendi Varoshi, i vdekur nga torturat në burgjet komuniste. Merrnin pjesë përfaqësues nga Bashkia e Qytetit, nga Presidenca, nga Kryeministria si dhe përfaqësuesit e tri besimeve fetare.
Për jetën dhe veprën e monsinjor Vinçenc Prennushit foli studiuesi Mikel Prennushi, ndërsa për jetën dhe veprën e Mustafa Efendi Varoshit foli drejtori i Muzeut Sali Hidri.
.
Mustafa Efendi Varoshi (1898-1948)
Mustafa Efendi Varoshi (1898-1948)
Artisti i merituar Mirush Kabashi lexoi poezinë e bukur, “Ka ra rrezja ndër bajama…” të Vinçenc Prennushit si dhe dy poezi kushtuar Mustafa Efendi Varoshit, ku ndjenjat e thella kombëtare bënë që të duartrokiteshin gjatë.
Krahas kujtimeve të bashkëvuajtësve të martirëve, me interes të veçantë u ndoqën edhe falenderimet e klerikëve Hafiz Sabri Koçi, i cili, ndër të tjera, theksoi se: “…askush s’do të mund t’i përçajë shqiptarët në emër të fesë…” ndërsa Arqipeshkvi i Durrësit dhe Tiranës, Imzot Rrok Mirdita tha: “Qyteti i lashtë i Durrësit ka qenë e do të jetë jo vetëm shembull i tolerancës dhe i mirëkuptimit midis feve dhe besimtarëve, por dhe shembull i traditave të shkëlqyera ku feja mbi gjithçka t’i shërbejë Atdheut…”
Jozef Radi
.
Botuar – Rilindja, e martë, 11 Maj 1993
.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.