back to top
22.5 C
Tirana
E premte, 29 Mars, 2024

Disa të dhëna mbi kishën e Shën Marisë në Vaun e Dejës

Gazeta

Kisha e Vaut të Dejës (e hedhur në erë 1969)
Kisha e Vaut të Dejës (e hedhur në erë 1969)

Disa të dhëna mbi kishën e Shën Marisë në Vaun e Dejës

Kisha shekullore e Shën Marisë në Vaun e Dejës, ishtë një Kishë me arkitekturë romano-gotike, e vetme në Shqipëri, e ndërtuar në shekullin XIII dhe një nga kishat më legjendare dhe me histori të jashtëzakonshme, e cila është hedhur në erë me dinamit.
Deja (Danja), qendër e rëndësishme arbënore në kryqëzimin e rrugëve që lidhnin krahinat perëndimore me krahinat lindore e veri-lindore, ishte pikëtakim i dy krahinave të rëndësishme etnografike, Mirditës dhe Zadrimës.
Deja (Danja) u ndërtua në shek. XI-XII në pikën ku del Drini nga mesoret e alpeve. 
Këtu u fuqizua familja feudale e Zahariajve dhe me formimin e principatës së Balshajve, Deja u bë pjesë e saj. 
Më 1396, Gjergji II Balsha ia kaloi qytetin Venedikut. 
.
Hedhja në erë e Kishës së Vaut të Dejës
Hedhja në erë e Kishës së Vaut të Dejës
Në vitet 1423-1443, Deja kaloi dy herë në dorë të osmanëve për tu çliruar në 1443, pas kryengritjes së përgjithshme antiosmane. 
Zotërimi i Dejës u bë shkak konflikti midis feudalëve Dukagjini dhe Zaharia në 1445. Pas vrasjes së këtij të fundit, qyteti iu ridorëzua nga e ëma e tij, Venedikut. 
Ishte pikërisht kërkesa e Skënderbeut që Venediku t’i dorëzonte Dejën që shkaktoi luftën mes tij dhe Venedikut. Skënderbeu e rrethoi në 1447-1448, por nuk e mori dot. Qyteti qëndroi nën Venedikun deri në 1479, kur e ripushtuan osmanët.
Kisha Shën Marisë, Seli Ipeshkvnore, nga më të bukurat në trojet shqiptare, ku, sipas Marin Barletit, Gjergj Kastrioti Skënderbeu ka pranuar Sakramentin e Martesës me Donika Arianitin.
Ishte koha kur njerëz pa identitet, me bindje që binin ndesh me historinë, qytetërimin, kulturën dhe traditën Iliro-Arbnore, shkatërruan vlerat historike dhe kulturore të trashëguara ndër breza.
Kisha shekullore e Shën Marisë në Vaun e Dejës, Monument i rrallë i Vlerave tona Kombëtare Europiane-Perendimore vlerësohet nga shumë shqiptarë se duhet të Rindërtohet!
Memory (2020)
.
Marre nga muri i Fb i Suzana Krroqi Mako, 10 mars 2021
.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.