back to top
12.5 C
Tirana
E premte, 29 Mars, 2024

Aforisma nga Emile M. Cioran dhe Charles Bukowski

Gazeta

Emil M. Cioran (1911-1995)
Emil M. Cioran (1911-1995)

Aforisma nga Emile M. Cioran dhe Charles Bukowski

të përzgjedhuna dhe sjellë në shqip nga Jozef Radi

Aforisma nga Emile M. Cioran (1911-1995)

Detyra e nji njeriu të vetmuem asht të jetë edhe ma i vetmuem…
***
Kufini i çdo dhimbjeje asht nji dhimbje edhe ma e madhe.
***
Të jesh a të mos jesh… Ma mirë, as njena dhe as tjetra.
***
Dështimi i jetës e tande do me thanë: me iu qasë poezisë – pa mbështetjen e talentit.
***
Pa Perëndinë çdo gja asht asgja. E Perëndia? Asgjaja supreme.
***
Kur ju e dini se çdo problem asht nji problem i shtirun, e kuptoni se jeni rrezikshmërisht afër shpëtimit.
***
Zoti: asht nji smundje prej së cilës ne besojmë se jemi kurue, sepse askush në ditët e e sotme nuk mbetet viktimë.
***
Biseda asht pjellore vetëm midis shpirtnave të përkushtuem për me i konsolidue ndërdyshjet e tyne.

Charles Bukowski (1920-1994)
Charles Bukowski (1920-1994)

Aforisma nga Charles Bukowski (1920-1994)

***
Me folë për vdekjen asht si me folë me paret. – Ne nuk ia dimë as çmimin e as vlerën.
***
E shkruemja asht diçka që nuk dihet si nis. Ti ulesh, dhe ajo asht diçkaja që mund të ndodhë ose mund të mos ndodhë.
***
Dallimi në mes të demokracisë dhe diktaturës asht se në demokraci ma së pari ju votoni e mandej merrni urdhna, kurse në diktaturë nuk humbet kohë me shkue në votime.
***
Vetëm të vorfnit mbrrijnë me e kapë kuptimin e jetës, të pasunit veç përpiqen me e gjetë atë.
***
Si mundesh me ia thanë nji personi që ju e doni, kur diçka e tillë nuk ndodh. Si mundesh me ia thanë nji personi që ju e doni, kur në botë ka me mija njerëz që ju mund t’i doni ma shumë, qoftë edhe sikur vetëm t’i takojë? Sepse fakt asht se nuk mund t’i takoni.
***
Ambicia ime e vetme asht të mos jem kërkushi, kjo më duket zgjidhja ma e kuptimtë!
***
Ngjitem në makinën time, shkëputem prej trotuarit dhe futem në trafik. Ishte pothuej dhjetë e natës. Nuk qe veç hana… dhe jeta ime qe nisë njashtu ngadalë, për në askund…

nentor 2015

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.