back to top
12.5 C
Tirana
E premte, 29 Mars, 2024

50 vjet nga shkatërrimi i Tempujve të Fesë (6 Shkurt 1967 – 6 Shkurt 2017)

Gazeta

Konferencë me rastin e 50 vjetorit
Konferencë me rastin e 50 vjetorit

50 vjet nga shkatërrimi i Tempujve të Fesë

(6 Shkurt 1967 – 6 Shkurt 2017)

Konferencë me rastin e 50 vjetorit
të prishjeve të tempujve të fesë
nga diktatura e dikurshme në Shqipëri,
përvojë dhe mësime.
Pjesëmarrje e gjërë,
intelektualë, gazetarë, klerikë e kardinalë…
 
Të kujtojmë, të mësojmë nga historia: e kaluara të shërbejë si përvojë për të ecur përpara, për një të tashme në mirëkuptim dhe harmoni sociale, në paqe me historinë për një ardhme më të mirë, me liri dhe besim e gjithë të drejtat që i përkasin njeriut – kjo ishte porosia që u doli nga Konferenca “50 vjet nga shkëtërrimi tempujve të fesë”, organizuar nga Ambasada e Republikës së Shqipërisë pranë Selisë së Shenjtë.
Konferenca u zhvillua të dielën, në pasditen e 5 shkurtit, në bashkëpunim me Rektoratin e “San Giovanni della Malva” në kishën e shqiptarëve, që mban të njëjtin emër në Trastevere në Romë, pas meshës në gjuhën shqipe, ku homelia i kushtohej temës së konferencës.
Konferencë me rastin e 50 vjetorit ne Rektoratin e “San Giovanni della Malva”
Konferencë me rastin e 50 vjetorit
ne Rektoratin e “San Giovanni della Malva”

Salla ishte plot me shqiptarë të diasporës, arbëreshë dhe italianë, intelektualë, antropologo, drejtues shoqatash, të medias, studentë, etj, diplomatë, ambasadorja e Republikës së Kosovës, klerikë, murgesha, profesorë, mes të cilëve dhe rektori i Kishës “Zoja e Këshillit të Mirë”, padre Ruggero Valentini, Presidenti i asosacionit së Rindërtimit “Avvezzano”, që ka ngritur mjaft kisha dhe në Shqipëri, dott. Ginno Milano, drejtori i Zyrës “Migrante” i Vikariatit të Romës, Mons. Pier Paolo Felicolo si dhe kardinali Antonio Maria Veglio, President i Këshillit Pontefik Pastoral për Migrantët.

Nisi me një “Ave Maria” të Shubertit, interpretuar nga soprania Anna Lushi.
Konferencën e përshëndeti Rektori i Kishave shqiptare në Itali Don Pasquale Ferraro, i cili theksoi rëndësinë e saj dhe bashkëpunimin e ngushtë me Ambasadën e Shqipërisë pranë Selisë së Shenjtë.
Drejtuesi i konferencës, i Ngarkuari me Punë, Visar Zhiti, pasi falenderoi të pranishmit për pjesëmarrjen dhe bashkëpunëtorët, ia dha fjalën Atë Aldo Skodas, profesor teologjie në Universitetin Papnor Urbanian dhe zv. drejtor i SIMI-it (Instituti Ndërkombëtar i Skalabrinianëve për Emigracionin), i cili kumtoi për “Shkatërrimin e kishave gjatë diktaturës komuniste në Shqipëri”, ku theksoi, që, nëse harrohet, rrezikohet të humbet identiteti dhe ai popull që harron, është i dënuar të riprodhojë gabimet e tij.
“Përvjetori i 50-të i famëkeqit vit 1967, është mundësia për të rikujtuar edhe një herë tragjedinë në të cilën u fut shoqëria shqiptare në vazhdën e vetizolimit që prodhoi frikë, varfëri materiale dhe mbi të gjitha shpirtërore, – tha ndër të tjera Prof. Skoda.
Visar Zhiti mbajti temën “Persekutim dhe martirë, qëndresë dhe shenjtëri” duke theksuar se “…historinë duhet ta shohim jo vetëm nga ana e atyre që e bëjnë, por dhe nga ana e atyre që e pësojnë historinë dhe ajo është vërteta e saj me e rëndësishme, quintesenca…”
Salla e Konferencës ne Rektoratin e “San Giovanni della Malva”
Salla e Konferencës ne Rektoratin e “San Giovanni della Malva”

Më pas Zhiti solli dëshmi të forta të qendrës së klerit, veçanërisht atij katolik, ku personalitete me rëndësi të tij prodhuan kulturë e identitet e me veprat e tyre themeltare “sollën Europë”, ku dhe kishin studiuar.

Shqipëria është ngritur, bashkë me të dhe besimi, janë rindërtuar tempujt dhe populli shqiptar ka nxjerrë “martirë të dritës dhe shenjtë të jetës”, theksoi Zhiti.
Nuk ka demokraci pa virtyte. Shqipëria di t’i përgjigjet të kaluarës, merr përgjegjësi dhe detyra duke shpalosur vetveten më të mirë, emblematikisht dhe shembull per botën.
Konferenca u mirëprit dhe pati jehonë mediatike.
Marre nga Ambasada e Shqipërisë në Vatikan/Ambasciata di Albania presso la Santa Sede

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.