Visit Today: 321
Visit Yesterday: 2350
This Month: 10160
This Year: 97547
Total Visit: 609133
Hits Today: 1523
Total Hits: 2066514
Amësi…
Unë linda në banjo…
nga Elona Caslli
Shkrim i bazuar në histori të vërtetë.
Unë linda në banjo…
Kam lindur në një banjo në Kampin e Tepelenës. Dhimbjet e lindjes nëna i pati të rënda dhe më lindi mes aromës mbytëse të mykut jeshil që mbulonte muret e asaj banjoje. Në mëngjes viheshim në radhë për të ngrënë bukën me krimba. Laheshim shumë rrallë dhe e kishim kokën me morra.
Një ditë nënën time e varën me kokë poshtë nën një pemë. Vëllai im ish larguar nga kampi. Roja i kampit ulërinte sa kish në kokë: “Ku e ke djalin?!”
Nga kampi dola për herë të parë në moshën 5 vjeçe. Më çuan tek berberi, i cili pasi u tmerrua nga morrat që gëlonin në kokën time, më qethi tullë.
Shijen e qumështit dhe të bukës pa krimba e provova për herë të parë 5 vjeç.
Gjysmën e jetës e kalova në internim. Pastaj u martova dhe linda një vajzë. Para 30 vitesh shkova në emigrim.
U ktheva në Shqipëri për të votuar më 25 prill.
Votova dhe teksa isha në taksi rrugës për në aeroport dëgjoja muzikën e çjerrë dhe zërin e një të marri që thërriste fort: “Mandati i tretë, është historik për Partinë Socialiste!”
.
Post Scriptum – Jam 80 vjeç. Hipi në avion. Mbështes kokën mbi dritaren e vogël dhe tretem në pamjen e një toke fatkeqe.
.
Marrë nga Muri i Fb i Elona Casllit, 29 prill 2021
.
Lini një Përgjigje
Për të postuar një koment, duhet të jeni i futur.