back to top
14.5 C
Tirana
E enjte, 28 Mars, 2024

Sonet Nënës – nga Kudret Kokoshi

Gazeta

Nena Labe - Nexhmedin Zajmi
Nena Labe – Nexhmedin Zajmi
Kjo poezi është shkruar në Burgun e Burrelit, ku Kudret Kokoshi ka vuajtur shumë vite burg.
Mbas dënimit të tij, përmes presioneve, partia e e detyroi gruan e tij që ta ndante.
Për këtë çeshtje të rëndomtë civile, në qytetin e Vlorës, për ta diskredituar figurën e tij,
u organizua një gjyq publik, ku Kudret Kokoshi nga i akuzuar
shkëlqeu si rrallë kush me oratorinë e fisnikërinë e tij…
Diku në një qoshe të asaj salle është edhe një grua plakë me një shkop në dorë,
që po e ndjek me dhimbje këtë gjyq e që një curril loti nuk i rresht në sytë e rrudhat e saj…
Poeti e sheh këtë skenë të nënës së tij, dhe posa kthehet në Burgun e Burrelit,
shpërthen në një mrekulli poetike, një këngë kushtuar nënës së tij,
një këngë për të cilën letërsia shqipe, do t’i mbetet mirënjohtëse në jetë të jetëve…
Nga bisedat me Uranin
jozef radi, 27 tetor 2019
.
Kudret Kokoshi (1908-1991)
Kudret Kokoshi (1908-1991)

Sonet Nënës

nga Kudret Kokoshi

 
Nënë, të pash’ pas kaqë vjet largimi
Të krrusur, të përlotur dhe të tretur,
Të pashë, o nën’, më një shkop mbështetur,
Mermer i gjallë vuajtjesh dhe mjerimi!
 
Je mplakur shumë o nënë, por t’ka mbetur
Hiri i mëparshëm dhe ndër sy trishtimi
I ëmbël, përkëdhelës, oh trishtimi,
Që në tjatër krijesë s’e kam gjetur!
 
Je mplakur shumë, o nënë! Po për mua,
Për shpirtin tim që t’adhuron, ti je
Më e bukura krijesë përmbi dhe!
Nëna, sa ty tjetër krijesë s’dua!
 
Sa dëshiroj të marr rrudhat e tua:
Të jem plak vetë, e ti gjithmonë e re.
 

 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.