Shpërthen vullkani Tavurvur në Papua e Guinea e Re

Vullkani Tavurvur

Shpërthen vullkani Tavurvur në Papua e Guinea e Re

Spektaklet e frikshme të Natyrës…

Ndërsa në Islandë ndjehet frikë nga vullkani Bardarbunga, në anën tjetër të botës, në ishullin e Britanisë së Re, në Papua e Guinea e Re, është futur në veprim vullkani Tavurvur…

Tashmë shumë komunitete janë evakuuar, shumë fluturime ndërkombëtare janë shmangur si pasojë e shpërthimit të dhunshëm të vullkanit në Papua e Guinea e Re. Autoritetet vendore kanë evakuuar menjiherë gjithë banorët që jetojnë në zonat përreth vullkanit Tavurvur, qysh në orët e para të shpërthimit. Banorët e Rabaul-it janë urdhëruar të qëndrojnë në ambiente të mbyllura për shkak të rrjedhës piroklastike. Siç është raportuar edhe nga David Flinn, i cili dëshmoi ngjarjen personalisht në vend, vullkan nisi fillimisht me lëshimin e gazrave dhe me një shpërthim të vogël e të shkurtë, dhe më pas filloi nji fazë më agresive. Në nji kohë të shkurtë e gjithë zona u mbulua nga një shtresë nji cm me hi vullkanik.
Vullkan është nji nga më aktivët e rajonit. Në vitin 1994, ai shkatërroi qytetin Rabaul, kur  shpërthimi ndodhi pranë malit Vulcan.

Vullkani Tavurvur me 31 gusht 2014

***
Vullkani Tavurvur vazhdon të shpërthejë në Papua, dhe nga ishulli arrijnë imazhe spektakolare. Zona tashmë është e pasigurt, për shkak se në të shkuarën, vullkani Tavurvur ka shkaktuar dëme të shumta, e megjithatë imazhet që vijnë nga Papua e Guinea e Re mbeten spektakolare.

Tmerr i Vullkanit Tavurvur

Si gjithnji në kësi rastesh, kritikët janë të ndarë mes atyre që përcaktojnë se çfarë po ndodh e çfarë do të ndodhë me vullkanin e rrezikshëm Tavurvur. Popullsia vendase ndodhet larg rrezikut, edhe pse në orët e fundit ai ka vazhduar pa ndërprerje në aktivitetet e tij. Tani ai ka nisur të bëhet me të vërtetë i frikëshëm. Tavurvur është nji vullkan me diametër prej 8-14 kilometra dhe është e vendosur në Caldera Rabaul, dhe sipas disa studimeve, ai do të jetë i ngjajshëm me atë çka ka ndodhur në shekullin e gjashtë, në epokën e ndryshimeve klimatike…

Nji spektakël në Natyrë

Përktheu dhe përshtati Jozef Radi