back to top
22.5 C
Tirana
E premte, 29 Mars, 2024

Rrethimi i tretë i Kullës së Jasharajve… – 5 Mars 1998

Gazeta

Adem Jashari dhe shoket e tij
Adem Jashari dhe shoket e tij

Rrethimi i tretë i Kullës së Jasharajve…

5 Mars 1998

I fundit, me pushkë në dorë,
u vra Kushtrim Jashari,
i cili i kishte vetëm 13 vjet.
.
Në orët e hershme të mëngjesit të 5 marsit 1998, në Prekaz u sulmunë sërish nga Ushtria Jugosllave dhe forcat policore Kullat e Jasharajve. Një rreth i dytë u ba për me pamundësu çdo përpjekje për të ça rrethimin. Dhe një rreth i tretë forcash ushtarako-policore me pamundësu ndihmën që mund t’u vinte nga shqiptarët e tjerë. Forcat agresore përbaheshin nga transportues të blinduar dhe pjesëtarë të policisë, të mbështetura nga artileria nga një fabrikë municioni në afërsi. Lagjen Jashari e kishin rrethu diku me rreth 7-8 mijë trupa kriminale të Serbisë dhe sulmi zgjati dy ditë.
Forcat kriminale të Serbisë kërkunë së pari që Adem Jashari të dorëzohej, dhe kur kjo nuk ndodhi, ata i dhanë 2 orë afat për të shqyrtu ofertën. Pas kësaj filloi beteja e pabarabartë. Nga tre anët, ushtria dhe policia qëllonte me mortaja e me gaz lotësjellës. Shumica e familjes së gjerë e Jasharajve u mblodhën në një dhomë të vetme, e cila ishte e murosur me tulla. Një predhë pastaj ra përmes çatisë, tue vra një numër të anëtarëve të familjes. Granatimet e vazhdushme, rreth tridhjetë e gjashtë, orë ia mundësunë policisë më në fund me depërtu në shtëpitë e Jasharajve.
.
Kulla e Adem Jasharit ne Prekaz
Kulla e Adem Jasharit ne Prekaz
Organizata “Amnesty International”, në një raport të bërë për rastin, tha se sulmi kishte për qëllim eliminimin e të gjithë dëshmitarëve. Gjithsejt 56 persona u vranë. Në mesin e tyre tetëmbëdhjetë ishin gra dhe dhjetë fëmijë nën moshën gjashtëmbëdhjetë vjeçare. Nga familja e ngushtë e Jasharajve u vranë 20 anëtarë, 36 të tjerë ishin të lagjes Jasharaj tue përfshi dajën, Osman Geci dhe dy nipat të tjerë. I fundit, me pushkë në dorë, u vra Kushtrim Jashari, i cili i kishte vetëm 13 vjet.
Adem Jashari dhe familja e tij u banë simbol i flijimit për lirinë e shqiptarëve të Kosovës dhe për shqiptarët kudo në botë.
5, 6 dhe 7 marsi në Kosovë njihen si ditët e manifestimit tradicional Epopeja e Ushtrisë Çlirimtare të Kosovës dhe me këtë rast në Prekazin legjendar mblidhen qytetarë nga mbarë trojet shqiptare për me nderu familjen Jashari në Natën e Zjarreve.
Marrë nga linku Geg e Toskë 5 Mars 2013
.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.