back to top
19.5 C
Tirana
E premte, 29 Mars, 2024

Reçension a refleksion?! – shfrim poetik nga Frederik Ndoci

Gazeta

Artisti Frederik Ndoci
Artisti Frederik Ndoci

Reçension a refleksion?!

nga Frederik Ndoci

(Këto vargje të “frikëshme” për Zuckenbergun dhe fb-un e tij, 
më dënuen duke më bllokue si Frederik për 24 orë!? 
S’e di çfarë shpifjeje ka ky shkrim 
o pse e marrin si t’rrezikshëm, sa me m’dënue?!)

Ç’ka asht ai vend, ai komb, ajo etni??
ku fillimisht gjuejnë me gurë 
qejt e rrugës, 
e mandej i rruejnë, i pastrojnë e i veshin me kollare 
me i zgjedhë për në krye t’qeverisë?

Ç’ka asht ai popull që u bjen edhe pllumbave me gurë, 
e mban sorra e korba n’kafaz, për zbukurim?
Si mundesh me e quejt njerëzì
at turmë që iu lshohen me gurë e i përzejnë fëmijtë e vet, 
me pranuë fëmijë të huej?

Çfarë etnie janë, ku poetit i vritet vargu, 
mandej i varë poetët 
edhe nderon ata poetë që andrrojnë tanë jetën Nobelin, 
Nobel… meqë i thurën nji jetë lavde, kriminelave të tyne!?

A mundet me u quejtë artdashës nji popull 
që përgjak, perdhunon mandej i përzen artistat, 
e pranon çdo art, pa asnji molekulë atnore?
që puth për së vdekuni 
të persekutuemit, 
që vetsakrifikohen ndër greva t’urisë 
për njat liri që s’mujten me e perqafë kurrë?

Më thuej çfarë emri ka kopeja,
ku çdo ditë burrat vrasin nanën e fëmijës së vet, 
dhe ndjehet n’rehatì?!
ku i ndrrojnë motrat e veta 
me shokun për me i nxjerrë n’semafor, 
pse na u vjen paksa zor, me e nxjerrë ata vetë!?!

Statuja e Vjedhur - Grafikë nga Avni Delvina
Statuja e Vjedhur – Grafikë nga Avni Delvina

E që pshtyjnë e përbuzin herojtë e vërtetë, 
e i kthejnë në shenjtorë kriminelat, vagabondat?! 
nderojnë e shenjtojnë djallin e pushtuesin 
tue djegë e përdhunue ata shenjtorë t’cilve bota u përulet?!

Breza që shkelin e pshurrin lulishta e lule, 
që zhgarravisin trupin me tatuazhe e hekra t’kromuem??
që zhubrosin e shkyejnë historinë e tyne, 
veç me përjetsue historinë e rrejshme të fqinjit barbar 
e ma mbas qahen pse sëbashku
e gllabërojnë historinë??

Gjuejnë me gurë tempujt, 
e ndërtojnë e nderojnë n’themelet e tyne 
tempujt e pushtuesve?!?

Vrej se edhe njerëzimi lëviz tue ndjekë diellin, 
pse pat edhe ka frikë gjithmonë kah Lindja, 
se tana tmerret prej andej na erdhën 
e shpëtimi veç kah perëndimi.

Turma sot vazhdon edhe sot hap mbas hapi 
gjersa mbas pak serish të mbrrijë 
aty prej kah u nis 
tue e pà vedin n’lindje, 
e vërtetue rrumbullaksinë e botës 
në 12 kandshin e rrashtave t’veta.

15 rrjeshta lajm kronike për vdekjen e artistit 
që kurrnjiherë s’i kërkuen falje 
as etnit… e as bijtë e atyne 
që e dënuan për 17 vite.
Dhe katër-pesë faqe 
për ripopullimin e Albanistanit 
me afganë 
bangladeshas 
e palestinas…

Hahahah… Edhe asnji rrjesht t’vetëm
për largimin e rinisë  e popullit t’vet 
As për ikjen masive t’shqiptarëve,
mandej trumbetojnë me t’madhe 
edhe për bashkim kombtar!! 

Ah po:
se për tanë k’to vese e tmerre 
u duket vetja shumë pak.
Edhe pse turma 
kah lindja e largme dhe e afërt 
po iu dynden gjithkah…

.

Detroit, 2 shtator 2021

 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.