back to top
12.5 C
Tirana
E premte, 29 Mars, 2024

Pa Prof. Namik Ressulin nuk la Letersi Shqipe – nga Fritz Radovani

Gazeta

Prof. Namik Resuli (1908-1985)
Prof. Namik Resuli (1908-1985)

Pa Prof. Namik Ressulin nuk la Letersi Shqipe

nga Fritz Radovani

Prof. Namik Ressuli – Pena e Artë e Beratit…

(10 Shtator 1908 – 12 Shtator 1985)

Ky asht pena e artë e unitetit mendimit letrar, artistik e Atdhetar të popullit shqiptar.
Prof. Namik Ressuli asht dijetar i pakufi në fushat e zhvillimit kulturor të popujve. Asht krejt i veçantë për mendimet e sakta në vlerësimet letrare të veprës së shkrimtarve. Asht jo vetëm njohës i kulturës Europiano-Perëndimore, po edhe zbatues i përpiktë i rregullave të saj historike, letrare, shkencore dhe filozofike të kohës moderne.
E njoha në 1957 prej Antologjisë “Rreze Drite” që më dha me e studiue Prof. Gaspër Ugashi.
Asht le në Berat me 10 Shtator 1908. Studimet i ka përfundue në Torino t’Italisë, me një nga profesorat e njohun atje si linguist, Prof. Matteo Bartoli. Në vitet ’30 asht kthye në Shqipni dhe, ka punue profesor në Normalen e Elbasanit. Ishte edhe në Shkodër dhe së fundi në Tiranë. Në 1939, asht profesor i Gjuhës Shqipe në Romë. Vjen në Shqipni në vitet 1940-44 dhe asht antar i “Institutit Studimve Shqiptare” në Tiranë. Në 1941 asht bashkautor i dy vëllimeve të Antologjisë së Shkrimtarve Shqiptarë. Mendimet kritike e shkencore që jep për Shkrimtarët e Veriut dhe, vlersimi që i ban “Lahutës së Malcis” së At Gjergj Fishtës, e vendosë në grupin e Shkrimtarëve të “përjashtuem” të Veriut, nga “Akademia e shkencave të RPSSh”, e formueme nga sllavokomunistët antishqiptar mbas vitit 1944. Prof. Namik Ressuli largohet nga Shqipnia perfundimisht me pushtimin e vitit 1944. Në Itali i kushtohet qendrës të studimeve Shqiptare e, në 1954 boton në Torino revistën “Shpirti Shqiptar”. Një titull që i përshtatej para gjithkujt tjetër vet Autorit të saj
.

Meshari i Gjon Buzukut
Meshari i Gjon Buzukut
Nga 1955-1971, asht Profesor në “Institutin Oriental” të Napolit, ku vazhdon me ngulm punën shkencore për Gjuhën Shqipe dhe gramatikën e saj. Ribotoi të përfunduem me sukses “Mesharin” e Buzukut, që mbetet ndër monumentet shkencore të Gjuhës Shqipe.
Prof. Namik Ressuli me të vërtetë e mbylli jetën me 12 Shtator 1985, në Torino…
Po, Ai asht nji shkamb që nuk lejon ndër shekuj me ra një gur nga Kështjella e Beratit!
E Pena e artë e Namik Ressulit, i jep shkëlqim edhe ma shumë gurve t’asaj Kështjelle!
Për Prof. Namik Ressulin brezat e ardhshme nuk do të thonë kurrë ishte… po, Ai asht!
Melbourne, Shtator 2018.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.